wanna check in?

      Ամենօրյա տուրերի և ընդհանուր հարցումների համար

      +374 94 362131

      +374 91 362131

      +374 41 362131

      +374 11 362131

      Ներգնա տուր փաթեթների համար

      +374 41 362131

      Արտագնա տուր փաթեթների համար

      +374 11 362131

      +374 98 362131

      ԹՈՓ 5 ՊԱՏՃԱՌ ՀԱՅԱՍՏԱՆ ԱՅՑԵԼԵԼՈՒ ՀԱՄԱՐ

      12.03.18

      Հայաստան այցելության առաջին իսկ վայրկյանից սերն առաջին հայացքից անխուսափելի է: Հայաստանը կհմայի Ձեզ իր բնությամբ, ավանդույթներով և սովորույթներով, հյուրընկալությամբ: Հայաստան այցելության հազարավոր պատճառներ կարելի է նշել: Բայց մենք կներկայացնենք ամենակարևոր հինգը:

      Չարենցի կամար

      Տաթևի վանական համալիր

       

      Պատճառ 1. Լեռնային լանդշաֆտը և գեղեցիկ Սևանա լիճը

      Հայաստանի բնությունն առանձնանում է իր գեղեցկությամբ և բազմազանությամբ: Համեմատաբար փոքր տարածք ունեցող Հայաստանում կարելի է հանդիպել և՛ ջրառատ գետեր, և՛ խիտ անտառներ, և՛ ընդարձակ դաշտեր՝ ծածկված գունագեղ ծաղիկների գորգով: Հայաստանում կկարողանաք լողալ Սևանա լճում, խմել Ջերմուկի և Դիլիջանի առողջարար աղբյուրի ջուրը: Հայաստան այցելության ընթացքում ականատեսը կդառնաք հիասքանչ և գրավիչ տեսարանների. ամառային բազմերանգությունից մինչև Ծաղկաձորի ձյունաճերմակություն, Սևանա լճի ջինջ կապույտից մինչև Արարատի ճերմակություն:

      Սևանավանք

      Հաղարծնի վանք

       

      Պատճառ 2. Պատմամշակութային ժառանգությունը

      Հայաստան այցելությունը հնարավորություն կտա տեսնել բազմաթիվ պատմամշակութային վայրեր: Զգացեք Հին Հունաստանի շունչը՝ այցելելով Գառնի և տեսնելով Հայաստանում պահպանված միակ հեթանոսական տաճարը, հիացեք ժայռափոր Գեղարդ վանական համալիրի յուրօրինակ ճարտարապետությամբ, ճանապարհորդեք աշխարհի ամենաերկար ճոպանուղիով դեպի Տաթևի վանական համալիր:

      Գեղարդավանք

      Գառնու տաճար

      Այս ամենի շնորհիվ Հայաստանն արդարացնում է թանգարան բաց երկնքի տակ իր հնադարյան կոչումը. Ստունհենջից էլ ավելի հին պատմություն ունեցող Քարահունջ, Խնձորեսկ քարանձավային քաղաք, հին ձեռագրերի և փաստաթղթերի պահպանման և ուսումնասիրման կենտրոնը՝ Մատենադարանը:

      Քարահունջ

      Խնձորեսկ

       

      Պատճառ 3 – Հիասքանչ հայկական խոհանոցը

      Հայաստանը պարզապես դրախտ է գուրմանների համար: Հայկական խոհանոցի հետ ծանոթությունն անտարբեր չի թողնի և ոչ մեկին, իսկ մեր գաստրոնոմիկ տուրը կօգնի այդ հարցում: Երևանյան մի շարք սրճարաններ ու ռեստորաններ առաջարկում են ազգային ուտեստների լայն տեսականի՝ տոլմա, տաք-տաք խորոված, սպաս… Դեռ երկար ժամանակ կհիշեք հայկական մրգերի արևային համն ու հոտը:

      Հայկական ուտեստներ

      Սպաս

       

      Պատճառ 4 – Երեկոյան Երևանը

      Շոգ ամռանը կյանքը Երևանում սկսվում է երեկոյան: Տարվա այս եղանակին երեկոյան զբոսանքը հատուկ ավանդույթ է: Երբ ցերեկվա շոգը թուլանում է, և նրան փոխարինելու է գալիս զով երեկոն, մարդիկ դուրս են գալիս զբոսնելու և մաքուր օդ շնչելու: Կարող եք զբոսնել քաղաքի կենտրոնում, գնալ հուշանվերների խանութներ կամ վայելել երեկոն հաճելի մի սրճարանում: Հարկ ենք համարում հիշեցնել, որ բաց չթողնեք մայրաքաղաքի գլխավոր հրապարակի երգող շատրվանների հրաշալի շոուն:

      Հյուսիսային պողոտա, Երևան

      Հանրապետության հրապարակ

       

      Պատճառ 5 – Հրաշալի տարբերակ ընտանեկան հանգստի համար

      Պատրաստվում եք այցելել Հայաստան ընտանիքի՞ հետ: Հիանալի է: Երեխաների հետ հանգստի համար Հայաստանն առաջարկում է ժամանցի մի շարք տարբերակներ՝ մանկական սրճարաններ, ժամանցային կենտրոններ, կենդանաբնական այգի, ջրաշխարհ… Հայաստանում երեխաների նկատմամաբ հատուկ վերաբերմունք կա: Դա է պատճառը, որ հասարակական ցանկացած վայրում հարմարավետ հանգստի համար կտրամադրվի ցանկացած անհրաժեշտ պարագա և ծառայություն՝ մանկական ճաշացանկ, հատուկ բարձր աթոռ և այլն:
      Հյուրընկալ Հայաստանն սպասում է Ձեզ:

      Ա. Սպենդիարյանի անվան օպերայի և բալետի ազգային ակադեմիական թատրոն

      Հաղթանակի զբոսայգի

       

      Պատվիրեք ներգնա տուր փաթեթներ, անհատական էքսկուրսիոն տուրեր և ամենօրյա կանոնավոր տուրեր ONE WAY TOUR տուրիստական ընկերությունում և մենք կօգնենք Ձեզ բացահայտել Հայաստանը:

      ԱԿՏԻՎ ՏՈՒՐԵՐ 2020