Տեղափոխում Զվարթնոց օդանավակայանից հյուրանոց։ Շրջայց քաղաքով, որի ընթացքում կծանոթանաք Հայաստանի մայրաքաղաք Երևան քաղաքին։ Շրջայցը կանցնի գլխավոր փողոցներով, որտեղ կարելի է գնահատել քաղաքի անսովոր ճարտարապետությունը: Քայլեք հյուրանոցից դեպի Կասկադ համալիր, որտեղ գտնվում է Ջերարդ Գաֆեշչյանի անվան ժամանակակից արվեստի կենտրոնը։ Այնուհետեւ այցելություն Օպերայի եւ բալետի թատրոնի շենք, Կարապի լիճ, Աբովյան փողոց։ Իսկ զբոսանքը կավարտվի Հանրապետության Հրապարակում՝ Երևանի սրտում։

Նախաճաշ հյուրանոցում: Տուր դեպի Գառնի՝ միակ հեթանոսական տաճարն, որ պահպանվել է Հայաստանի տարաշծաշրջանում: Այն կառուցվել է մ.թ. 1-ին դարում թագավոր Տրդատ I-ի հրամանով և նվիրված է եղել արևի աստված Միհրին: Կայցելենք Այրիվանք (այսինքն՝ ժայռափոր վանք), որ կառուցվել է 13-րդ դարում: Քանի որ շուրջ 500 տարի այստեղ է պահվել գեղարդը, որով հռոմեացի զինվորը խոցել է Հիսուսի կողը, այն ստացել է Գեղարդավանք անվանումը: Այժմ գեղարդը պահվում է Էջմիածնի թանգարանում: Վերադարձ Երևան:

Նախաճաշ հյուրանոցում: Տուր դեպի Արենի, որտեղ կհամտեսեք հայկական գինի: Կուղևորվենք Նորավանք վանական համալիր (13-րդ դար), որ եզակի է իր կառուցվածքով՝ համալիրի գլխավոր եկեղեցին ՝ Ս.Աստվածածինը, երկհարկ է: Երկրորդ հարկ բարձրանալու համար անհրաժեշտ է օգտվել եկեղեցու ճակատային մասում գտնվող աստիճաններից: Վանական համալիրից հիանալի տեսարան է բացվում դեպի կիրճը: Տուրը կշարունակենք դեպի Տաթևի վանական համալիր (9-րդ դար), որի այցելության ժամանակ կտեսնեք հայկական ճարտարապետության գլուխգործոցներից մեկը, 17-րդ դարի ձիթհանը, կվայելեք դեպի կիրճը բացվող հրաշալի տեսարանը: Իսկ վանք հասնելու համար կօգտվեք "Տաթևեր" ճոպանուղուց, որ գրանցվել է Գինեսի Գրքում որպես աշխարհի ամենաերկար հետադարձելի ճոպանուղին (5752 մ): Հետ Երևան

Նախաճաշ հյուրանոցում. Տեղափոխում դեպի Սևանա լիճ. Սևանը Հայաստանի ամենամեծ լիճն է և գտնվում է ծովի մակարդակից 1900 մ բարձրության վրա։ Այցելություն Սևանավանք վանական համալիր, որը գտնվում է Սևանի թերակղզում: Այստեղից բացվում է գեղեցիկ տեսարան դեպի Սեւան։ Տեղափոխում դեպի առողջարանային քաղաք Դիլիջան։ Դիլիջանը շատ կանաչ քաղաք է, որը շրջապատված է Դիլիջան ազգային պարկի անտառներով։ Այցելություն Հին Դիլիջան համալիր. Այցելություն Հաղարծին վանական համալիր, էքսկուրսիա վանքի տարածքում։

Վերադարձ Երևան։

Նախաճաշ հյուրանոցում:

Տուր դեպի Էջմիածին՝ Հայ Առաքելական եկեղեցու կենտրոնը: Կայցելենք Մայր տաճար, Սբ Գայանե, Սբ. Հռիփսիմե եկեղեցիները, որ Զվարթնոցի տաճարի հետ միասին ընդգրկվել է ՅՈՒՆԵՍԿՕ-ի համաշխարհային ժառանգության ցանկում: Ճանապարհում դեպի Զվարթնոց օդանավակայան: