Դիմավորում Զվարթնոց օդանավակայանում և տեղափոխում Երևան։ Ողջույնի ընթրիք՝ ազգագրական մշակութային ծրագրով (հայկական ազգագրական երգեր և պարեր): Երեկոյան ոտքով զբոսանք Երևանի կենտրոնով. Հյուսիսային պողոտայով կհասնենք Հանրապետության հրապարակ: Մասնակցություն «Երգող շատրվաններ» շոուին:

Նախաճաշ հյուրանոցում։ Կկատարենք շրջայց Երևան քաղաքում, որի ընթացքում կտեսնենք Հանրապետության հրապարակը, կառավարության շենքը, Օպերայի և բալետի թատրոնի շենքը, Հայաստանի պետական համալսարանը, նախագահական նստավայրը, կայցելենք Մատենադարանը և Կասկադը։ Նախաճաշ հյուրանոցում։ Այց Սարդարապատի հերոսամարտի հուշահամալիր։ Էջմիածնի Մայր տաճարը, Հայ Առաքելական եկեղեցու գլխավոր կրոնական շինությունը, վաղ քրիստոնեության շրջանի հայ եկեղեցական ճարտարապետության կոթողներից մեկը։ Կտեսնենք նաև Սուրբ Գայանե և Սուրբ Հռիփսիմե եկեղեցիները։ Վերադարձի ճանապարհին կայցելենք Զվարթնոց տաճարը։

Նախաճաշ հյուրանոցում։ Կանգ կառնենք Չարենցի կամարի մոտ։ Այցելություն ժայռափոր Գեղարդավանք, որը ընդգրկված է ՅՈՒՆԵՍԿՕ-ի Համաշխարհային մշակութային արժեքների ցանկում։ Կմասնակցեք հայկական ավանդական լավաշ թխելուն։ Այցելություն Գառնու հեթանոսական տաճար։ Ճաշ Գառնու ռեստորանում։ Վերադարձ Երևան։ Այցելություն դեպի Վերնիսաժ։

Նախաճաշ հյուրանոցում։ Մեկնում դեպի Խոր Վիրապի վանք։ Վանական համալիրից բացվում է անկրկնելի տեսարան դեպի Արարատ լեռը։ Հաջորդ կանգառը կլինի «Թռչունների» քարանձավի մոտ, որտեղ վերջերս հայտնաբերել են աշխարհի հնագույն կոշիկն ու 6000 տարեկան գինեգործարանը: Կայցելենք նաև Նորավանք վանական համալիրը, որը հայ ճարտարապետության գլուխգործոցներից է։ Տեղի գինիները համտեսելուց հետո կմեկնենք Սյունիքի մարզ։ Հալիձոր գյուղից կմեկնենք Տաթև՝ կօգտվենք աշխարհի ամենաերկար ճոպանուղուց, որը կառուցվել է 2010 թ -ստորակետ պետք չէ- և գրանցված է գինեսի ռեկորդների գրքում: Կայցելենք Տաթևի վանական համալիրը։

Նախաճաշ հյուրանոցում։ Այց հին քարանձավային բնակատեղի ՝ Հին Խնձորեսկ, իր անկրկնելի բնությամբ և պատմական մեծ արժեք ներկայացնող մի վայր։ Կայցելենք Քարահունջ կամ Զորաց Քարեր նախապատմական մեգալիթյան կառույցը, որը աշխարհի հնագույն աստղադիտարանն է և պատմամշակութային արգելոցի կարգավիճակ ունեցող և պետության կողմից պահպանվող հատուկ տարածք է։ Կմեկնենք Ջերմուկ հայտնի առողջարանային քաղաք, որը հայտնի է իր բուժիչ հանքային ջրերով։ Վերադարձ Երևան։

  Նախաճաշ հյուրանոցում։ Կուղևորվենք դեպի կապուտաչյա Սևան։ Շրջապատված Գեղամա լեռներով այն անզուգական տպավորություն է թողնում։ Ճաշ Դիլիջանում։ Դիլիջան քաղաքը, որն անվանում են նաև ‹‹հայկական Շվեյցարիա››, Հայաստանի գլխավոր հանգստավայրերից է։ Այն գտնվում է Դիլիջան ազգային պարկի տարածքում, որտեղ գտնվում է նաև Հաղարծին վանական համալիրը (X-XIV)։ Վերադարձ Երևան։

Նախաճաշ հյուրանոցում։ Նախ կայցելենք Աշտարակ քաղաքը, որից հետո կմեկնենք Արագածի լանջերին գտնվող հրաշք միջնադարյան Ամբերդի ամրոց։ Ճաշ Բյուրականում։ Այս տուրի ընթացքում կայցելենք նաև Սաղմոսավանքը, որը գտնվում է գեղատեսիլ Քասախի կիրճի եզրին։ Վերադարձ Երևան։

Նախաճաշ հյուրանոցում։ Տեղափոխում օդանավակայան։