Դիմավորում օդանավակայանում: Տեղափոխում հյուրանոց: Նախաճաշ հյուրանոցում: Շրջայց Երևան քաղաքում, որը կընդգրկի ամենագլխավոր փողոցներն ու շինությունները, ինչը հնարավորություն կտա ծանոթանալ մայրաքաղաքին: Կուղևորվենք Զվարթնոցի տաճար՝ կառուցված 7-րդ դարում, և որից մեզ են հասել ավերակները: Զվարթնոցի տաճարը, Էջմիածնի Մայր Տաճարի և Սբ. Գայանե ու Սբ. Հռիփսիմե եկեղեցիների հետ միասին ընդգրկված է ՅՈՒՆԵՍԿՕ-ի Ժառանգությունների Ցանկում: Կայցելենք Էջմիածին, կմասնակցենք Ճրագալույցի ս. պատարագին: Ետ Երևան:

Նախաճաշ հյուրանոցում: Կուղևորվենք 7-րդ դարում կառուցված Ամբերդ ամրոց, որ գտնվում է Հայաստանի ամենաբարձր լեռան՝ Արագածի լանջին: Կայցելենք Բյուրական, որտեղ մեզ կներկայացվեն հին հայկական ավանդույթներն ու ծեսերը, կիմանանք, թե ինչպես են դարեր առաջ նշել Ս. Հարության տոնը: Ետ Երևան:

Նախաճաշ հյուրանոցում: Կուղևորվենք Խոր Վիրապ վանական համալիր, որտեղ 13 տարի շարունակ բանտարկյալի կյանքով է ապրել Գրիգոր Լուսավորիչը: Այստեղից հրաշալի տեսարան է բացվում դեպի Արարատ լեռը: Մեր հաջորդ կանգառը կլինի Նորավանքում՝ երկհարկանի վանքում, որ եզակի է իր կառուցվածքով: Արենիում կհամտեսենք հայկական գինին և կուղևորվենք առողջարանային քաղաք Սիսիան:

Նախաճաշ հյուրանոցում: Շրջայց Սիսիանում, այնուհետև կուղևորվենք Տաթևի վանական համալիր, որ գտնվում է կիրճի եզրին: Վանքին հասնելու համար կօգտվենք Տաթևեր ճոպանուղուց: Երևան վերադառնալու ճանապարհին կտեսնենք նաև հայաստանյան բնության մեկ այլ հրաշք՝ Շաքիի ջրվեժը:

Նախաճաշ հյուրանոցում: Ուղևորություն դեպի Սևանա լիճ՝ ամենամեծ քաղցրահամ լիճը Հայաստանում և Եվրասիայում: Կայցելենք թերակղզու վրա գտնվող Սևանավանքը, ինչից հետո կուղևորվենք Դիլիջան կամ ինչպես նրան հաճախ կոչում են՝ Հայկական Շվեյցարիա: Կայցելենք 13-րդ դարի վանական համալիրներ Գոշավանքն ու Հաղարծինը: Ետ Երևան:

Նախաճաշ հյուրանոցում: Կայցելենք մեր տարածաշրջանի միակ հեթանոսական տաճարը: Ճանապարհին կունենանք կանգառ Չարենցի կամարի մոտ, որտեղից հրաշալի տեսարան է բացվում դեպի Արարատ լեռը: Կայցելենք ժայռափոր Գեղարդավանք: Ետ Երևան:

Նախաճաշ հյուրանոցում: Տեղափոխում օդանավակայան: