Հայաստանում ամառային միջոցառումները շատ բազմազան են: Տոնակատարությունների հետ միասին, որոնք ունեն երկար պատմություն, կան բազմաթիվ ժամանակակից միջոցառումներ, որոնք ընդամենը մի քանի տարվա ընթացքում ջերմորեն ընդունվեցին և սիրվեցին ժողովրդի կողմից: Եկեք ավելի մանրամասն դիտարկենք յոթ ամենատարածված տոները և փառատոնները, որոնք սպասում են Ձեզ Հայաստանում 2021 թ. ամռանը:
![Ժպտերես Ձմերուկի փառատոնը Երևանում Ժպտերես Ձմերուկի փառատոնը Երևանում](https://onewaytour.com/wp-content/uploads/2019/05/1Ժպտերես-Ձմերուկի-փառատոնը-Երևանում.jpg)
![Yerevan Color Run Yerevan Color Run](https://onewaytour.com/wp-content/uploads/2019/05/2Yerevan-Color-Run.jpg)
1. Երեխաների պաշտպանության միջազգային օր
Հայաստանի բոլոր բնակիչներին, անկախ սեռից և տարիքից, հատուկ է ակնածալից վերաբերմունքը երեխաների հանդեպ: Ուստի զարմանալի չէ, որ այստեղ երեխաների պաշտպանության միջազգային օրը նշվում է մեծ խանդավառությամբ: Տոնը մեկնարկում է մայրաքաղաքի կենտրոնական փողոցների ասֆալտին նկարելու մրցույթով. բոլոր նկարել սիրող երեխաները կարող են մասնակցել: Օրվա ընթացքում իրականացվում են զվարճալի համերգներ, հետաքրքիր խաղեր և այլ միջոցառումներ: Այս օրը Դուք կարող եք այցելել կենդանաբանական այգին կամ օգտվել ատրակցիոններից անվճար: Տոնակատարությունը ավարտվում է շքեղ հրավառությամբ Հանրապետության հրապարակում:
![Երեխաների պաշտպանության միջազգային օր Երեխաների պաշտպանության միջազգային օր](https://onewaytour.com/wp-content/uploads/2019/05/3Երեխաների-պաշտպանության-միջազգային-օր.jpg)
![Երեխաների պաշտպանության միջազգային օր Երեխաների պաշտպանության միջազգային օր](https://onewaytour.com/wp-content/uploads/2019/05/4Երեխաների-պաշտպանության-միջազգային-օր.jpg)
2. Վարդավառ
Վարդավառը Հայաստանում ամենասիրված ամառային տոներից մեկն է, որին առանց բացառության մասնակցում են բոլորը: Վարդավառի օրը տանից դուրս գալիս, պատրաստ եղեք թրջվելու. այս օրը, ամենուր մարդիկ ջուր են լցնում միմյանց վրա, ինչը, սակայն, հուլիսի շոգին ոչ մի անհարմարություն չի պատճառում: Սկզբում տոնը նվիրված էր սիրո հեթանոս աստվածուհուն՝ Աստղիկին, և համարվում էր, որ այս օրը ջուրը առողջություն և հաջողություն է իր հետ բերում:
![Վարդավառ Վարդավառ](https://onewaytour.com/wp-content/uploads/2019/05/5Վարդավառ.jpg)
![Վարդավառ Վարդավառ](https://onewaytour.com/wp-content/uploads/2019/05/6Վարդավառ.jpg)
3. Ձմերուկի փառատոն
Ձմերուկի փառատոնը տեղի է ունենում Երևանի կենտրոնում՝ Կարապի լճի շրջակայքուն հոլիս ամսին: Միջոցառման ընթացքում Դուք կարող եք մասնակցել տարբեր մրցույթներին, զվարճալի խաղերին և հիանալ գունագեղ շքերթ-դիմակահանդեսով: Փառատոնի հյուրերին սպասվում է համերգային ծրագիր և, իհարկե, հասած, քաղցր ձմերուկի հյուրասիրություն, որը, անշուշտ, բավարար կլինի բոլորի համար:
![Ձմերուկի փառատոն Ձմերուկի փառատոն](https://onewaytour.com/wp-content/uploads/2019/05/7Ձմերուկի-փառատոնը.jpg)
![Ձմերուկի փառատոն Ձմերուկի փառատոն](https://onewaytour.com/wp-content/uploads/2019/05/8Ձմերուկի-փառատոնը.jpg)
4. Թթի փառատոն
Թթի փառատոնը անցկացվում է հուլիսի սկզբին Գորիսի մոտ գտնվող Քարահունջ գյուղում: Այստեղ Դուք կարող եք տեսնել բերքահավաքի արարողությունը և ավանդական ուտեստների և խմիչքների պատրաստման գործընթացը, ներառյալ հայտնի թթի օղու պատրաստումը:
![Թթի փառատոն Թթի փառատոն](https://onewaytour.com/wp-content/uploads/2019/05/9Թթի-հավաքում.jpg)
![Թթի հավաքում Թթի հավաքում](https://onewaytour.com/wp-content/uploads/2019/05/10Թթի-հավաքում.jpg)
5. Գարեջրի փառատոն
Գարեջրի փառատոնը ևս մեկ զվարճալի միջոցառում է, որը տեղի է ունենում Երևանի կենտրոնում՝ Կարապի լճի շրջակայքում: Գարեջրի իրական սիրահարները այստեղ կարող են համտեսել տեղական արտադրողների գարեջրի բազմաթիվ տեսակներ: Դուք, միանշանակ կհանգստանաք առօրյայից և կվայելեք փրփուրով սառը խմիչքը՝ համեմված հաճելի երաժտությամբ:
![Գարեջրի փառատոն Գարեջրի փառատոն](https://onewaytour.com/wp-content/uploads/2019/05/11Գարեջրի-փառատոն.jpg)
![Գարեջրի փառատոն Գարեջրի փառատոն](https://onewaytour.com/wp-content/uploads/2019/05/12Գարեջրի-փառատոն.jpg)
6. Yerevan Color Run
Եթե բացօթյա ակտիվ կյանքի սիրահար եք, ապա Yerevan Color Run-ը (գունազարդ վազք) միջոցառումը հենց Ձեզ համար է: Խելահեղ վազքի փառատոն, որտեղ սպորտային հատուկ ֆիզիկական պատրաստվածություն չի պահանջվում և ամեն ինչ (ներառյալ մասնակիցները) ներկվում է ծիածանի ամենավառ գույներով: Yerevan Color Run-ի ընթացքում օգտագործվում են միայն առողջության համար անվտանգ ներկեր, հետևաբար նույնիսկ երեխաները կարող են մասնակցել վազքին: Տոնը ավարտվում է ոչ պակաս գունեղ, աղմկոտ համերգով:
![Yerevan Color Run Yerevan Color Run](https://onewaytour.com/wp-content/uploads/2019/05/13Yerevan-Color-Run.jpg)
![Yerevan Color Run Yerevan Color Run](https://onewaytour.com/wp-content/uploads/2019/05/14Yerevan-Color-Run.jpg)
7. Տարազի փառատոն
Օգոստոսին Երևանի կենտրոնում տեղի է ունենում Տարազի փառատոնը: Միջոցառման այցելուները կարող են տեսնել Հայաստանի ազգային հագուստները, որոնք ներկայացնում են պատմական Հայաստանի տարբեր նահանգներ: Այստեղ ցուցադրվում են մի շարք հեղինակային ստեղծագործություններ, որոնք զարդարված են ձեռագործ ասեղնագործությամբ: Տոնի այցելուներին առաջարկվում է նաև տարազներով յուրահատուկ լուսանկարչական նկարահանում:
![Տարազի փառատոն Տարազի փառատոն](https://onewaytour.com/wp-content/uploads/2019/05/15Տարազի-փառատոնշ.jpg)
![Տարազի փառատոն Տարազի փառատոն](https://onewaytour.com/wp-content/uploads/2019/05/16Տարազի-փառատոնշ.jpg)
Պատվիրեք ներգնա տուր փաթեթներ, անհատական էքսկուրսիոն տուրեր և ամենօրյա կանոնավոր տուրեր ONE WAY TOUR տուրիստական ընկերությունում և մենք կօգնենք Ձեզ բացահայտել Հայաստանը: