wanna check in?

      Ամենօրյա տուրերի և ընդհանուր հարցումների համար

      +374 41 362131

      +374 91 362131

      +374 41 362131

      +374 11 362131

      Ներգնա տուր փաթեթների համար

      +374 41 362131

      Արտագնա տուր փաթեթների համար

      +374 11 362131

      +374 98 362131

      ՀԱՅԱՍՏԱՆԻ ԱՄԵՆԱՀԻՆ ՏԱՃԱՐՆԵՐԸ ԵՎ ՎԱՆՔԵՐԸ

      26.09.18

      Թերևս ոչինչ այդպես չի փոխանցում Հայաստանի իրական հոգին, ինչպես հինավուրց տաճարներն ու վանքերը, որոնց մեծ մասը գտնվում է երկրի գեղատեսիլ անկյուններում` զմրուխտյա բլուրների վրա, լեռներում, կտրուկ, քարքարոտ ժայռերի և ձորերի մոտ, կամ բարձրադիր Սևանա լճի ափին: Երկրի համեմատաբար փոքր տարածքում կարելի է հաշվել տասնյակ զարմանահրաշ տաճարներ, վանքեր, եկեղեցիներ և մատուռներ, որոնց մի մասը ներառված է ՅՈՒՆԵՍԿՕ-ի համաշխարհային ժառանգության ցանկում, և յուրաքանչյուր շինություն ունի իր դարավոր պատմությունը: Ներկայացնում ենք Ձեզ Հայաստանի հինգ ամենատարածված զբոսաշրջային ուղիները, որոնք կօգնեն ծանոթանալ երկրի պատմական և ճարտարապետական «հարստություններին»:

      Սևանավանք

      Սևան

       

      Մայր աթոռ Սուրբ Էջմիածին

      Էջմիածինը ամենասիրված սրբավայրից մեկն է Հայաստանում: Սուրբ Էջմիածինը Ամենայն հայոց կաթողիկոսության նստավայր է հաստատվել Քրիստոնեության ընդունման պահից սկսած (301 թ): Այստեղ թանգարանում պահվում են ընդհանուր քրիստոնեական սրբություններ, օրինակ՝ Նոյան տապանի մասնիկը և Գեղարդը, որը խոցեց Քրիստոսի կողոսկրը: Էջմիածնի համալիրը ներառում է Մայր Տաճարը (4-րդ դարի սկիզբ), Սբ. Գայանե (603 թ.) և Սբ. Հռիփսիմե եկեղեցիները (618 թ.), ինչպես նաև մի շարք հին վանական կառույցներ:

      Մայր Աթոռ Սուրբ Էջմիածին

      Սբ. Հռիփսիմե եկեղեցի

       

      Գեղարդի վանք

      Գեղարդի վանքը (IV դար), որը շատ հայտնի է զբոսաշրջիկների մեջ, ուշագրավ է այն փաստի համար, որ շենքի մի մասը փորված է անմիջապես ժայռի մեջ: Վանքը շրջապատված է գեղատեսիլ լեռներով և կառուցվել է լեռնային աղբյուրի մոտ, ուստի ի սկզբանե ստացել է Այրիվանք անվանումը (քարանձավային վանք), իսկ XIII դարից՝ վանքում պահված սուրբ գեղարդի պատվին (որով խոցվել էր խաչված Հիսուսը) կոչվել է նաև Գեղարդ։ Գեղարդը, հանդիսանալով կարևոր քրիստոնեական մասունք, այժմ պաhվում է Էջմիածնում: Իր պատմության ընթացքում վանքը բազմաթիվ տառապանքներ է կրել, մի քանի անգամ այն գրեթե գետնին է հավասարվել, հետո վերակառուցվել: Այսօր Գեղարդի վանական համալիրը կարելի է տեսնել իր փառահեղ գեղեցկությամբ և մեծությամբ:

      Գեղարդի վանական համալիր

      Գեղարդի վանք

       

      Խոր Վիրապ

      Խոր Վիրապ վանքը (648-2 թ.), որը գտնվում է աստվածաշնչյան լեռան՝ Արարատի ստորոտում, շատ հետաքրքիր պատմություն ունի: Ըստ ավանդության հենց այստեղ էր գտնվում այն արքունական բանտը, որտեղ խորը հորի մեջ մոտ 13 տարի կալանավորել էին Գրիգոր Լուսավորիչին, ում շնորհիվ Հայաստանում քրիստոնեությունը ընդունվեց որպես պետական ​​կրոն. ինքն էլ դարձավ առաջին կաթողիկոս: Վանքի անվան բացատրությունն է «խոր զնդան»: Զնդանը մինչ օրս գտնվում է եկեղեցական կառույցի տակ՝ 6 մ խորության վրա: Ցանկացողները կտրուկ պարուրաձև աստիճաններով կարող են իջնել այնտեղ և անզեն աչքով տեսնել Լուսավորչի բանտարկության վայրը:

      Խոր Վիրապ

      Խոր Վիրապ

       

      Տաթևի վանք

      Գուցե սա ամենագեղեցիկ վանական համալիրն է, որն անմիջապես նվաճում է իր իսկապես կախարդական էներգետիկայով: Վանքի վեհաշուք կառույցը (IX դարի վերջ) գտնվում է կտրուկ ժայռի գրեթե եզրին, և թվում է, թե այն «ճախրում է անդունդի վրայով»: Վանական համալիրը ավելի դյուրին հասանելի է դարձնում «Տաթևեր» ուղևորատար ճոպանուղին, որն անցնում է Որոտան կիրճի վրայով՝ ավելի քան 300 մ բարձրության վրա, և համարվում է ամենաերկար առանց կանգառների ճոպանուղին ամբողջ աշխարհում: Ուղևորությունը «Տաթևեր» ճոպանուղով հնարավորություն է ընձեռում դիտել չնաշխարհիկ համադրությամբ տեսարաններ, վանական համալիրը և շրջակա լեռնային բնապատկերը. այսպիսով մինչ Տաթևի վանական համալիրը կհասցնի դյութել Ձեզ իր հմայքով, վանք տանող ճանապարհը արդեն իսկ կպարգևի Ձեզ ոչ պակաս անմոռանալի տպավորություններ:

      Տաթևեր ճոպանուղի

      Տաթևի վանք

       

      Գառնու հեթանոսական տաճար

      Միանշանակ Հայաստանի հնագույն տաճարների ցանկացած ցուցակ թերի կլինի առանց Գառնու տաճարի (մ.թ. I դար), որը միակ պահպամված  համալիրն է նախաքրիստոնեական դարաշրջանից: Գառնին հելլենիստական շրջանի կառույց է և ենթադրվում է, որ տաճարը նվիրված է եղել արևի աստված Միհրին: Այստեղ է տեղակայված եղել նաև արքունական ամառանոցը: Հին պալատական կառույցների փլատակներ դեռևս տեսանելի են մոտակա տարածքում, իսկ որոշ տեղերում՝ պատերի ավերակների վրա ներկերի մնացորդներ և գեղեցիկ զարմանահրաշ խճանկարի բեկորներ են պահպանվել: Գառնու տաճարը ամբողջությամբ ավերվել է 17-րդ դարում երկրաշարժի հետևանքով. կառույցը վերականգնվել է 1970 թ: Այսօր Գառնին Հայաստանի ամենահայտնի տեսարժան վայրերից մեկն է:

      Գառնու տաճար

      Գառնի

       

      Պատվիրեք ներգնա տուր փաթեթներ, անհատական էքսկուրսիոն տուրեր և ամենօրյա կանոնավոր տուրեր ONE WAY TOUR տուրիստական ընկերությունում և մենք կօգնենք Ձեզ բացահայտել Հայաստանը:

      ԱԿՏԻՎ ՏՈՒՐԵՐ 2024