Հայաստանը հայտնի է որպես գեղեցիկ և բարձր լեռների երկիր: Լանդշաֆտի նման առանձնահատկության շնորհիվ Հայաստանի բոլոր գետերն ունեն շատ արագ ու բուռն հոսք: Այդ իսկ պատճառով, հին ժամանակներում Հայաստանը կոչում էին «Նաիրի», որը նշանակում է «արագ հոսող ջրերի երկիր»: Այստեղ բնական ջրերը միշտ բարձր են գնահատվել, իսկ գետերի ակունքները ժամանակին համարվում էին սրբազան: Այսօր Հայաստանում կա ավելի քան 9,400 գետ և գետակ՝ 180 հազար կմ ընդհանուր երկարությամբ: Եկեք ծանոթանանք Հայաստանի ամենամեծ և ամենագեղեցիկ գետերի տասնյակին:
![Հայաստանի գետեր Հայաստանի գետեր](https://onewaytour.com/wp-content/uploads/2019/10/1-Գետեր-Հայաստանում.jpg)
![Հայաստանի գետերը Հայաստանի գետերը](https://onewaytour.com/wp-content/uploads/2019/10/2Հայաստանի-գետերը.jpg)
Արաքս գետ
Արաքս գետը Հայաստանի ամենամեծ և ամենաերկար գետն է, հաճախ կոչվում է «Մայր-Արաքս»: Գետի մասին հիշատակություն կարելի է գտնել նույնիսկ Աստվածաշնչում: Արաքսը հոսում է Հայկական լեռնաշխարհի ամբողջ տարածքում և թափվում է Կասպից ծով: Գետի կենդանական աշխարհը շատ հարուստ է. այստեղ է «բնակվում» իշխան ձուկը, որը անկրկնելի համեղ է:
![Արաքս Արաքս](https://onewaytour.com/wp-content/uploads/2019/10/3-Արաքս.jpg)
![Արաքս Արաքս](https://onewaytour.com/wp-content/uploads/2019/10/4Արաքս.jpg)
Արփա գետ
Արփան հոսում է գեղատեսիլ կիրճով` կտրուկ ժայռոտ տարածքներով և հիանալի կանաչ կղզյակներով: Արփա գետի ուղին ընկնում է Ջերմուկի ջրվեժից ոչ հեռու, որը մասամբ սնվում է տեղական հանքային աղբյուրների ջրերով: Այս գետի ափերին կան մեծ թվով պատմական և ճարտարապետական տեսարժան վայրեր:
![Արփա գետ Արփա գետ](https://onewaytour.com/wp-content/uploads/2019/10/5Արփա-գետ.jpg)
![Արփա գետ Արփա գետ](https://onewaytour.com/wp-content/uploads/2019/10/6Արփա-գետ.jpg)
Դեբեդ գետ
Հզոր հոսանք և մի քանի վտանգավոր հատվածներ ունեցող արագ լեռնային գետ է: Դեբեդի ափերին կարող եք տեսնել մի քանի հնագույն վանքեր, որոնք այսօր պատմական հուշարձաններ են: Ալավերդի քաղաքի գետի հատվածում գտնվում է միջնադարյան Սանահինի կամուրջը (12-րդ դար):
![Դեբեդ Դեբեդ](https://onewaytour.com/wp-content/uploads/2019/10/7Դեբեդ.jpg)
![Դեբեդ Դեբեդ](https://onewaytour.com/wp-content/uploads/2019/10/8Դեբեդ.jpg)
Որոտան գետ
Որոտան գետի անունը լիովին արտացոլում է նրա բուռն «բնավորությունը»: Որոտանը սկիզբ է առնում Արցախի բարձրավանդակից և թափվում է Արաքս գետը: Գետի մոտակայքում կան բազմաթիվ բնական և պատմական տեսարժան վայրեր: Հետաքրքրական է բնության հրաշալիք «Սատանի կամուրջը», ինչպես նաև վեհաշուք Շաքիի ջրվեժը:
![Որոտան գետ Որոտան գետ](https://onewaytour.com/wp-content/uploads/2019/10/10Որոտան-գետ.jpg)
![Որոտան գետ Որոտան գետ](https://onewaytour.com/wp-content/uploads/2019/10/9Որոտան-գետ.jpg)
Ձորագետ
Ձորագետը Դեբեդ գետի վտակն է: Ձորագետը կհետաքրքրի էքստրեմալ սպորտի սիրահարներին, քանի որ իր հսկայական տարածքը հարմար է ռաֆթինգի համար: Գետի այդ հատվածը հոսում է խորը ձորի հատակով` կտրուկ ժայռերով, որոնց բարձրությունը 100-300 մետր է:
![Ձորագետ Ձորագետ](https://onewaytour.com/wp-content/uploads/2019/10/11Ձորագետ.jpg)
![Ձորագետ գետի կիրճ Ձորագետ գետի կիրճ](https://onewaytour.com/wp-content/uploads/2019/10/12Ձորագետ-գետի-կիրճ-Dzoraget-River-Canyon-in-Lori-Armenia.jpg)
Հրազդան գետ
Հրազդան գետը Հայաստանի ամենաերկար գետերի ցանկում զբաղեցնում է երկրորդ տեղը: Հրազդանը սկիզբ է առնում Սևանա լճից, հոսում է Հայաստանի մայրաքաղաքի կենտրոնական մասով և թափվում է Արաքս գետը: Երևանի տարածքում Դուք կարող եք հիանալ Հրազդան գետի կիրճի գեղատեսիլ տեսարանով: Գետի վրա կառուցվել են մի քանի կամուրջներ:
![Հրազդան գետ Հրազդան գետ](https://onewaytour.com/wp-content/uploads/2019/10/13Հրազդան-գետ.jpg)
![Հրազդան գետ Հրազդան գետ](https://onewaytour.com/wp-content/uploads/2019/10/14Հրազդան-գետ.jpg)
Ախուրյան գետ
Ախուրյանը բավականին խոշոր գետ է և զբաղեցնում է երկրորդ տեղը Հայաստանի ամենաջրառատ գետերի ցանկում: Ախուրյանը առանձնանում է համեմատաբար դանդաղ հունով, մանավանդ գետաբերանի հատվածում՝ անցնելով ճահճոտ մարգագետիններով: Գետի մի կողմում գտնվում է Գյումրի քաղաքը, մյուս կողմում` Հայաստանի հինավուրց մայրաքաղաք Անիի ավերակները:
![Ախուրյան գետ Ախուրյան գետ](https://onewaytour.com/wp-content/uploads/2019/10/15Ախուրյան-գետ.jpg)
![Ախուրյան գետ Ախուրյան գետ](https://onewaytour.com/wp-content/uploads/2019/10/16Ազատ_գետը.jpg)
Ազատ գետ
Գեղամա լեռնաշղթայի լանջից սկիզբ առնող գեղեցիկ լեռնային գետ է: Ազատ գետի վերին մասում, ափից ոչ հեռու, գտնվում է ժայռռակերտ Գեղարդի վանքը: Ներքևի մասում, աջ ափին գտնվում է Գառնի գյուղը, որի մերձակայքում է գտնվում համանուն հեթանոսական տաճարը:
![Ազատ գետը Ազատ գետը](https://onewaytour.com/wp-content/uploads/2019/10/18Ազատ_գետը.jpg)
![Ազատ գետը Ազատ գետը](https://onewaytour.com/wp-content/uploads/2019/10/17Ազատ_գետը.jpg)
Աղստև Գետ
Աղստև գետը Կուր գետի վտակն է և սկիզբ է առնում Փամբակի լեռներից: Գետի գեղատեսիլ ափերը ծածկված են թավշյա կանաչով: Տեղ-տեղ ջրի մեջ կարող եք տեսնել մեծ քարեր, որոնք գետի լանդշաֆտին տալիս են յուրահատուկ, խիստ գեղեցկություն:
![Աղստև գետ Աղստև գետ](https://onewaytour.com/wp-content/uploads/2019/10/19Աղստև-գետ.jpg)
![Աղստև գետ Աղստև գետ](https://onewaytour.com/wp-content/uploads/2019/10/20Աղստև-գետ.jpg)
Քասախ գետ
Քարքարոտ, բուռն գետ է, սկիզբ է առնում Արագած լեռան լանջից՝ ավելի քան 3000 մետր բարձրությունից: Քասախ գետի ափին գտնվում են 13-րդ դարի Սաղմոսավանք և Հովհանավանք վանական համալիրները, ինչպես նաև ավելի հինավուրց Աստվածընկալ վանքը (V — VIII դար): Ապարանի ջրամբարը գտնվում է Քասախ գետի վրա:
![Քասախ գետ Քասախ գետ](https://onewaytour.com/wp-content/uploads/2019/10/21Քասախ.jpg)
![Քասախ գետ Քասախ գետ](https://onewaytour.com/wp-content/uploads/2019/10/22Քասախ.jpg)
Պատվիրեք ներգնա տուր փաթեթներ, անհատական էքսկուրսիոն տուրեր և ամենօրյա կանոնավոր տուրեր ONE WAY TOUR տուրիստական ընկերությունում և մենք կօգնենք Ձեզ բացահայտել Հայաստանը: