Անկասկած, Հայաստանում գրեթե չկա մի անկյուն, որտեղից հնարավոր չէ տեսնել գեղեցիկ, բարձրաբերձ լեռները: Ամենուրեք սփռված են երկար ու ձիգ լեռնաշղթաներ, լանջեր և գագաթներ: Ժամանակին Հայաստանի լեռները տարրերից և նվաճողներից բնական պաշտպան էին հանդիսանում. այսօր այստեղ կազմակերպվում են քայլարշավներ, իսկ անմատույց ձյունածածկ գագաթների վերելքը մարտահրավեր ու նպատակ է դարձել էքստրեմալ սպորտի երկրպագուների և լեռնագնացների համար: Անհնար է պատկերացնել Հայաստանի բնությունը առանց լեռների. գեղատեսիլ գագաթները զարմացնում, գերում են այցելուներին և այստեղ կրկին վերադառնալու պատճառ են հանդիսանում: Եկեք ավելի մանրամասն ծանոթանանք Հայաստանի ամենագեղեցիկ լեռներին:
![Աննման Հայկական լեռնաշխարհ Աննման Հայկական լեռնաշխարհ](https://onewaytour.com/wp-content/uploads/2019/07/1jil-ler.jpg)
![Հասնում ենք ամպերին Հասնում ենք ամպերին](https://onewaytour.com/wp-content/uploads/2019/07/2.jpg)
1. Ուխտասար
Ուխտասարը, որը գտնվում է Սիսիան քաղաքի մոտ, անշուշտ, հասարակ լեռ չէ: Ուխտասարի լանջերը իրական հնագիտական թանգարան է բաց երկնքի տակ: Այստեղ Դուք կտեսնեք բազմաթիվ ժայռեր, որոնց վրա տեղ են գտել մարդկանց և կենդանիների հինավուրց պատկերներ: Խառնարանի տեղում տեղակայված է մի լիճ, որտեղ կլոր տարին կարելի է ձյուն տեսնել:
![Ուխտասար Ուխտասար](https://onewaytour.com/wp-content/uploads/2019/07/3Ուխտասար.jpg)
![Ուխտասար Ուխտասար](https://onewaytour.com/wp-content/uploads/2019/07/4Ուխտասար.jpg)
2. Խուստուփ
Խուստուփ լեռը Խուստուփ-Կատարի լեռնաշղթայի ամենաբարձր կետն է: Լեռը գտնվում է Սյունիքի մարզում՝Կապանի մոտակայքում: Խուստուփ լեռան բարձրությունը 3205 մետր է: Այս լեռան լանջին Է թաղված հայ մեծ սպարապետ Գարեգին Նժդեհը:
![Խուստուփ Խուստուփ](https://onewaytour.com/wp-content/uploads/2019/07/6Խուստուփ.jpg)
![Խուստուփ Խուստուփ](https://onewaytour.com/wp-content/uploads/2019/07/5Խուստուփ.jpg)
3. Աժդահակ
Հնագույն հանգած հրաբուխը՝ Աժդահակը, Գեղամա լեռների ամենաբարձր կետն է (3597 մ): Գագաթին խառնարանային բյուրեղյա լիճ է տեղակայված. այստեղից նաև աննկարագրելի շքեղ տեսարան է բացվում դեպի Արագած, Արարատ, Հատիս և Արայի լեռներ: Աժդահակի լանջերին հայտնաբերվել են նաև որսի, արևի, լուսնի ու աստղերի ժայռապատկերներ:
![Աժդահակ լեռ Աժդահակ լեռ](https://onewaytour.com/wp-content/uploads/2019/07/7Աժդահակ-լեռ.jpg)
![Աժդահակ լեռ Աժդահակ լեռ](https://onewaytour.com/wp-content/uploads/2019/07/8-Աժդահակ-լեռ.jpg)
4. Արագած
Արագածը Հայաստանի ամենաբարձր լեռն է (4090 մ): Արագածը քառագագաթ հանգած հրաբուխ է: Լեռը հայտնի է նաև իր անոմալ գոտիով, որտեղ ջուրը հոսում է ներքևից վերև, իսկ մեքենաները, առանց շարժիչը միացնելու, ինքնուրույն են առաջ սլանում:
![Արագած Արագած](https://onewaytour.com/wp-content/uploads/2019/07/9Արագած.jpg)
![Արագած Արագած](https://onewaytour.com/wp-content/uploads/2019/07/10-Արագած.jpg)
5. Իշխանասար
Իշխանասարը Սյունիքի մարզի գեղատեսիլ լեռնաշղթաներից է, որի ամենաբարձր գագաթը Մեծ Իշխանասարն է (3550 մ): Լեռան լանճին տեղակայված է Սև լիճը, որտեղ բազմացվում է է հայկական «Իշխան» ձուկը: Ամռանը լճի ջուրը այնքան է տաքանում, որ այստեղ բավականին հաճելի է լողալ: Իշխանասար նշանակում է «իշխանական լեռ», և, իսկապես, բնությունն այստեղ ինքնին ազնվական և փառահեղ է:
![Իշխանասար Իշխանասար](https://onewaytour.com/wp-content/uploads/2019/07/11Իշխանասար.jpg)
![Իշխանասար Իշխանասար](https://onewaytour.com/wp-content/uploads/2019/07/12Իշխանասար.jpg)
6. Արտանիշ
Արտանիշ (2461 մ) լեռը գտնվում է Գեղարքունիքի մարզում՝ Սևանի հյուսիս-արևելյան ափին: Այս բնական տեսարժան վայրը առանձնանում է նրանով, որ գագաթից Ձեր առջև բացվում է լճի և հարակից լեռնաշղթաների աննախադեպ գեղեցիկ տեսարանը: Արտանիշը միակ կետն է, որտեղից կարելի է Սևանը տեսնել ամբողջ չափով:
![Արտանիշ լեռ Արտանիշ լեռ](https://onewaytour.com/wp-content/uploads/2019/07/13Mount-Artanish-Արտանիշ-լեռ-Гора-.jpg)
![Արտանիշ լեռ Արտանիշ լեռ](https://onewaytour.com/wp-content/uploads/2019/07/14Mount-Artanish-Արտանիշ-լեռ-Гора-.jpg)
7. Թեղենիս
Թեղենիս լեռը (2851 մ) նույնպես սիրված երթուղիներից է հանդիսանում: Լեռան լանջերից մեկի վրա կարող եք տեսնել միջնադարյան շքեղ Թեղենյաց վանքը, իսկ հակառակ լանջին՝ գեղեցիկ Ծաղկունյաց լիճը:
![Թեղենիս Թեղենիս](https://onewaytour.com/wp-content/uploads/2019/07/15Թեղենիս.jpg)
![Թեղենիս Թեղենիս](https://onewaytour.com/wp-content/uploads/2019/07/16Թեղենիս.jpg)
8. Արա լեռ
Արա լեռան անվանումը սերում է Արա Գեղեցիկ արքայի անունից: Լեգենդի համաձայն, Ասորեստանի թագուհի Շամիրամը հենց Արայի սերն էր տենչում:
![Արա լեռ Արա լեռ](https://onewaytour.com/wp-content/uploads/2019/07/17Արա-լռ.jpg)
![Արա լեռ Արա լեռ](https://onewaytour.com/wp-content/uploads/2019/07/18Արա-լռ.jpg)
9. Հատիս
Հատիս լեռը նույնպես շատ հայտնի զբոսաշրջային ուղի է: Հատիսն ունի հրաբխային ծագում: Լեռան երկրորդ անվանումը Շամիրամ է, որը կապում են հպարտ թագուհու մասին լեգենդի հետ: Լեգենդի համաձայն, սա այն վայրն է, որտեղ Շամիրամի զորքերը հանգրվանեցին, երբ մերժված թագուհին պատերազմ սկսեց Արա Գեղեցիկի դեմ:
![Հատիս լեռ Հատիս լեռ](https://onewaytour.com/wp-content/uploads/2019/07/19Mount-Hatis-Հատիս-լեռ-Гора-Атис-20.jpg)
![Հատիս լեռ Հատիս լեռ](https://onewaytour.com/wp-content/uploads/2019/07/20Mount-Hatis-Հատիս-լեռ-Гора-Атис-20.jpg)
10. Արարատ
Անշուշտ, մեր ցուցակը թերի կլինի առանց Հայաստանի գլխավոր խորհրդանիշի` Արարատ լեռան: Չնայած այն հանգամանքին, որ լեռը Հայաստանի Հանրապետության սահմաններից դուրս է, այն շարունակում է մնալ Հայրենիքի խորհրդանիշ ամբողջ աշխարհի հայության համար: Արարատի գեղեցկությունը դժվար է բառերով նկարագրել: Հայաստանի մայրաքաղաքի գրեթե բոլոր անկյուններից կարելի է տեսնել ձյունածածկ գագաթները: Անամպ, արևոտ օրերին, թվում է, թե Արարատ լեռը «սավառնում» է քաղաքի փողոցներով:
![Արարատ Արարատ](https://onewaytour.com/wp-content/uploads/2019/07/21Արարատ.jpg)
![Արարատ Արարատ](https://onewaytour.com/wp-content/uploads/2019/07/22.jpg)
Պատվիրեք ներգնա տուր փաթեթներ, անհատական էքսկուրսիոն տուրեր և ամենօրյա կանոնավոր տուրեր ONE WAY TOUR տուրիստական ընկերությունում և մենք կօգնենք Ձեզ բացահայտել Հայաստանը: