Հայաստանը բազմադարյա հարուստ պատմություն ունեցող երկիր է, ինչի մասին վկայու են հոյակերտ հուշարձանները, որոնք մշտջենական պատկերել են առանձին դրվագներ և մեծ հետաքրքրություն են առաջացնում զբոսաշրջիկների մոտ: Բազմաթիվ մշակութային արժեքներ պահվում են Երևանի թանգարաններում: Այնուամենայնիվ Դուք նաև կարող եք երկրի տարբեր մասերում գտնել , բաց երկնքի տակ գտվող անհամար հուշարձաններ: Ներկայացնում ենք Ձեզ հիմնական պատմական տեսարժան վայրերի կարճ ցանկը, որը, անշուշտ, պետք է ներառել էքսկուրսիոն ծրագրում:
![Շաքիի ջրվեժ Շաքիի ջրվեժ](https://onewaytour.com/wp-content/uploads/2019/03/shqo.jpg)
![Սևանավանք Սևանավանք](https://onewaytour.com/wp-content/uploads/2019/03/meji-nkarner-1.jpg)
Քարահունջ
Քարահունջը առեղծվածային մեգալիթյան կառույց է, որը բաղկացած է շուրջ 223 հսկայական քարերից, որոնցից յուրաքանչյուրը մոտավորապես 10 տոննա է: Հզոր մեգալիթների վերին մասում կարող եք տեսնել անցքեր: Ըստ ամենատարածված տեսության, Քարահունջը ամենահին աստղադիտարանն է, իսկ քարերի անցքերը արված էին երկնային մարմինները դիտելու համար: Հուշարձանը 5-ից 7 հազար տարեկան է:
![Քարահունջ Քարահունջ](https://onewaytour.com/wp-content/uploads/2019/03/333.jpg)
![Քարահունջ Քարահունջ](https://onewaytour.com/wp-content/uploads/2019/03/Qarahyunj.jpg)
Գառնու տաճար
Միակ պահպանված հեթանոսական տաճարը, որը նվիրված է եղել արևի աստված Արեգ-Միհրին, կառուցվել է Ք.հ. առաջին դարում: Գառնու տաճարը հոյակապ պահպանված հելլենիստական ճարտարապետության նմուշ է: Տաճարից ոչ հեռու կարող եք տեսնել պալատական համալիրի ավերակները, որը եղել է հայոց արքունական ամառանոց:
![Գառնու տաճար Գառնու տաճար](https://onewaytour.com/wp-content/uploads/2019/03/5Գառնու-տաճար-1.jpg)
![Գառնու տաճար Գառնու տաճար](https://onewaytour.com/wp-content/uploads/2019/03/6Գառնու-տաճար-1.jpg)
Զվարթնոց
Զվարթնոցը` «երկնային զվարթունների (հրեշտակների) տաճարը», վաղ միջնադարի ամենագեղեցիկ և լայնամասշտաբային կրոնական շինություններից մեկն է: Շինարարությունից հետո տաճարը կանգուն է մնացել մոտ 300 տարի, որից հետո այն ավերվել է ուժեղ երկրաշարժից: Ներկայումս շենքը մասամբ վերականգնվել է, իսկ տաճարի տարածքում գործում է «Զվարթնոց» հնագիտական թանգարան: Ապագայում նախատեսվում է ավարտին հասցնել տաճարի ամբողջական վերականգնումը:
![Զվարթնոց Զվարթնոց](https://onewaytour.com/wp-content/uploads/2019/03/7Զվարթնոց-1.jpg)
![Զվարթնոց Զվարթնոց](https://onewaytour.com/wp-content/uploads/2019/03/8Զվարթնոց-1.jpg)
Էրեբունի ամրոց
Էրեբունի ամրոցը կառուցվել է ուրարտական տերության հզորագույն արքաներից մեկի՝ Արգիշտի I-ի կողմից Ք.ա. 782թ.: Երևանը` Հայաստանի Հանրապետության և համայն հայության մայրաքաղաքը, այդ բերդաքաղաքի ուղղակի ժառանգորդն է և ի հպարտություն բոլոր երևանցիների` մեկը աշխարհի հնագույն մայրաքաղաքներից: «Էրեբունի» պատմահնագիտական արգելոց-թանգարանը, ինչպես նաև ամրոցի ավերակները, թագավորական պալատը և այլ հնագույն շինություններ գտնվում են Երևանում ՝ Արին-Բերդ բլրի վրա և գրեթե ամեն օր հյուրընկալում են բազմաթիվ զբոսաշրջիկների:
![Էրեբունի ամրոց Էրեբունի ամրոց](https://onewaytour.com/wp-content/uploads/2019/03/9Էրեբունի-ամրոց-1.jpg)
![Էրեբունի ամրոց Էրեբունի ամրոց](https://onewaytour.com/wp-content/uploads/2019/03/10Էրեբունի-ամրոց-1.jpg)
Գեղարդի վանք
Գեղարդի վանքը (IV դար), որը գտնվում է Երևանից ոչ հեռու, աչքի է ընկնում, առաջին հերթին, յուրօրինակ ճարտարապետությամբ: Վանական համալիրի որոշ հատվածներ ժայռափոր են: Անվան ծագումնաբանությունը կապված է ժամանակին այստեղ է պահվող հայտնի գեղարդի հետ, որով հռոմեացի զինվորը խոցել է Քրիստոսի կողը: Այն Հայաստան էր բերել քրիստոնեության առաջին քարոզիչներից Թադեոս առաքյալը։ Վանքում պահվում է նաև այն խաչի հատվածը, որի վրա խաչվեց Աստծո զավակը:
![Գեղարդի վանք Գեղարդի վանք](https://onewaytour.com/wp-content/uploads/2019/03/11Գեղարդի-վանք-1.jpg)
![Գեղարդի վանք Գեղարդի վանք](https://onewaytour.com/wp-content/uploads/2019/03/12Գեղարդի-վանք-1.jpg)
Մայր Աթոռ Սուրբ Էջմիածին
Էջմիածինը համարվում է Հայաստանի հոգևոր մայրաքաղաքը: Մայր Աթոռ Սուրբ Էջմիածինը ներառում է մի շարք եկեղեցիներ և կրոնական կառույցներ, այդ թվում` Ամենայն Հայոց Կաթողիկոսության նստավայրը՝ Վեհարանը: Էջմիածնի Մայր Տաճարը (IV-V) աշխարհի ամենահին քրիստոնեական եկեղեցիներից է, որը ներառված է ՅՈՒՆԵՍԿՕ-ի համաշխարհային ժառանգության ցուցակում:
![Մայր Աթոռ Սուրբ Էջմիածին Մայր Աթոռ Սուրբ Էջմիածին](https://onewaytour.com/wp-content/uploads/2019/03/13Մայր-Աթոռ-Սուրբ-Էջմիածին-1.jpg)
![Էջմիածին Էջմիածին](https://onewaytour.com/wp-content/uploads/2019/03/14-Էջմիածին-1.jpg)
Մատենադարան
Մատենադարանը հին ձեռագրերի և փաստաթղթերի պահպանման և ուսումնասիրման կենտրոն է: Այստեղ պահվում են մոտ 17 հազար ձեռագրեր և ավելի քան 100 հազար հին արխիվային փաստաթղթեր: Մատենադարանի թանգարանում կան հնագույն գրականության և մանրանկարների բազմաթիվ նմուշների ցուցադրություններ. այստեղ զբոսաշրջիկները կարող են տեսնել գեղարվեստական և պատմական «գանձեր»:
![Մատենադարան Մատենադարան](https://onewaytour.com/wp-content/uploads/2019/03/15Մատենադարան-1.jpg)
![Հին ձեռագրեր Հին ձեռագրեր](https://onewaytour.com/wp-content/uploads/2019/03/16Հին-ձեռագրեր-1.jpg)
Կապույտ մզկիթ
Կապույտ մզկիթը գործող կրոնական կառույց է, որը գտնվում է Երևանի կենտրոնական պողոտաներից մեկի վրա և խորհրդանշում է հայ-իրանական բարեկամությունը: Մզկիթի ընդհանուր տարածքը մոտ 7000 մ2 է, իսկ մինարեթի բարձրությունը` 24 մ: Կառույցը զարդարված է ավանդական մուսուլմանական ոճով, որոշ հատվածներ զարդարված են անզուգական խճանկարներով: Տեսարժան վայրը հասանելի է զբոսաշրջիկների համար, կան նաև հատուկ ցուցադրական սրահներ:
![Կապույտ մզկիթ Կապույտ մզկիթ](https://onewaytour.com/wp-content/uploads/2019/03/17Կապույտ-մզկիթ-1.jpg)
![Կապույտ մզկիթ Կապույտ մզկիթ](https://onewaytour.com/wp-content/uploads/2019/03/18Կապույտ-մզկիթ-1.jpg)
«Մայր Հայաստան» հուշարձանը
«Մայր Հայաստան» հուշարձանը կառուցվել է Հայրենական մեծ պատերազմում տարած հաղթանակի պատվին: Հուշարձանի բնօրինակը (Ստալինի արձանը) հետագայում փոխարինվեց փառահեղ մոր կերպարով: Հուշարձանի զանգվածային պատվանդանը անկախ կառույց է, որի ներսում գտնվում է ռազմական թանգարան:
![«Մայր-Հայաստան» հուշարձան «Մայր-Հայաստան» հուշարձան](https://onewaytour.com/wp-content/uploads/2019/03/19«Մայր-Հայաստան»-հուշարձանը-1.jpg)
![«Մայր-Հայաստան» հուշարձան «Մայր-Հայաստան» հուշարձան](https://onewaytour.com/wp-content/uploads/2019/03/20«Մայր-Հայաստան»-հուշարձանը-1.jpg)
Երևանի կոնյակի գործարանը
Երևանի կոնյակի գործարանը ունի դարավոր պատմություն և հանդիսանում է Հայաստանում ալկոհոլային խմիչքների առաջատար արտադրող և արտահանող: Գործարանում պահվում են կոնյակի յուրահատուկ նմուշներ, որոնք պատրաստվում են ըստ հատուկ բաղադրատոմսերի: Այստեղ գործում է թանգարան, որտեղ անցկացվում են էքսկուրսիաներ. այցելուներին հնարավորություն է ընձեռվում «ներսից» տեսնել բնօրինակ խմիչքի պատրաստման ողջ գործընթացը, ինչպես նաև համտեսել աննման ըմպելիքը:
![Երևանի կոնյակի գործարան Երևանի կոնյակի գործարան](https://onewaytour.com/wp-content/uploads/2019/03/22Երևանի-կոնյակի-գործարանը-1.jpg)
![Երևանի կոնյակի գործարան Երևանի կոնյակի գործարան](https://onewaytour.com/wp-content/uploads/2019/03/21Երևանի-կոնյակի-գործարանը-1.jpg)
Պատվիրեք ներգնա տուր փաթեթներ, անհատական էքսկուրսիոն տուրեր և ամենօրյա կանոնավոր տուրեր ONE WAY TOUR տուրիստական ընկերությունում և մենք կօգնենք Ձեզ բացահայտել Հայաստանը: