)
Սևանն ԱՊՀ երկրների տարածքում քաղցրահամ ջուր ունեցող ամենամեծ բարձրադիր լիճն է: Այն գտնվում է ծովի մակերևույթից ավելի քան 1900 մ բարձրության վրա: Լճի երկարությունը 75 կմ է, առավելագույն խորությունը մոտ 100 մ է, իսկ մակերեսը` մոտ 1400 քմ²: Սևանի ափերը ուշագրավ են գեղատեսիլ և շատ բազմազան բնությամբ. այստեղ կարող եք տեսնել թե՛ կանաչ ալպիական մարգագետիններ, թե՛ զառիթափ ժայռեր, և թե՛ խոշոր լողափ: Իսկ մայրամուտին, շրջապատված չորս վեհաշուք լեռնաշղթաներով, հսկայական ջրային «հայելին», արևի շողերով ոսկեզօծված, առանձնահատուկ գեղեցիկ և տպավորիչ տեսարան է սփռում դիտողի առջև:
Որտե՞ղ է տեղակայված Սևանա լիճը
Սևանա լիճը տեղակայված է բարձր լեռնային շրջանում, որը գտնվում է Երևանից մոտ 60 կմ հեռավորության վրա: Երևանից դեպի Սևան տանող մայրուղին բավականին քիչ ժամանակ է պահանջում Սևանա լիճ հասնելու համար. այստեղ հասնել հնարավոր է ինչպես տաքսիով, այնպես էլ հասարակական տրանսպորտով (ավտոբուսներ, միկրոավտոբուսներ): Օպտիմալ տարբերակ է մատչելի տուրերը, որոնք ներառում են նաև ուղևորափոխադրում:
Եղանակը Սևանում և ջրի ջերմաստիճանը ամռանը
Ձեր հանգիստը Սևանում ծրագրելիս մի՛ մոռացեք Ձեզ հետ վերցնել տաք հագուստ. նույնիսկ եթե ամռանը մայրաքաղաքում անտանելի շոգ է լինում, լիճն անպայման դիմավորելու է Ձեզ հաճելի թարմությամբ և զովությամբ: Երեկոյան կարող է իսկապես ցուրտ լինել (մինչև +9), իսկ զեփյուռը վերափոխվել ուժգին քամու: Սևանում ջուրը նույնպես բավականին սառն է: Նույնիսկ ամառային թեժ լողափնյա սեզոնի ընթացքում (հուլիսից մինչև սեպտեմբերի կեսը), ջրի ջերմաստիճանը հազվադեպ է բարձրանում մինչև +20 աստիճան: Եթե 2024-ի ամռանը նախատեսել եք Ձեր հանգիստը Հայաստանում, վստահ եղեք, որ ճիշտ ընտրություն եք կատարել:
Հանգիստ Սևան լճի ափին, գներ
Հանգիստը Սևանում ամռանը գրավիչ է նաև գնային առումով: Եթե Դուք նախատեսում եք մեկօրյա ուղևորության, դա հնարավոր է իրականացնել 5000-8000 դրամ ընկած գնային սահմաններում (մոտ 10-15 USD): Նմանատիպ տուրերը, որպես կանոն, ներառում են տրանսպորտի ծառայություն (Երևան – Սևան – Երևան), տեղական պատմական և ճարտարապետական հուշարձանների այցելություն և ուղեկցորդի կամ զբոսավարի ծառայություն: Մեկօրյա տեղակայումը հարմարավետ հյուրանոցում կարժենա մոտ 15000 — 20000 դրամ, (մոտ 30-40 USD): Մթերքի գները տեղական լողափնյա ռեստորաններում կարող են փոքր-ինչ տատանվել, սակայն մեծամասամբ դրանք էապես չեն տարբերվում մայրաքաղաքի գներից: Ի դեպ, այստեղ Դուք կարող եք համտեսել ածխի վրա պատրաստված համեղ Սևանի իշխան ձուկը:
Հյուրանոցներ Սևանա լճի մոտ
Դուք միանշանակ կգտնեք Ձեր նախասիրություններին համապատասխան և շատ հարմարավետ վայր Սևանի ափերից մեկում: Ընտրությունը շատ լայն է՝սկսած բյուջետային լողափնյա տնակներից և տաղավարներից մինչև Եվրոպական ոճով ժամանակակից շքեղ հյուրանոցներ՝ իրենց մաքուր լողափերով, լողավազաններով, խաղահրապարակներով և հանգստի գոտիներով: Ամենահայտնի խոշոր հյուրանոցներից են՝ «Կապուտակ Սևան» հյուրանոցային համալիրը, «Հարսնաքար» համալիրը՝ սեփական ջրազբոսայգով: Կան նաև փոքր հյուրանոցներ, որոնք հարմար են ռոմանտիկ հանգստի համար:
Ընտանեկան հանգիստ Սևանա լճի մոտ
Սևանի հյուրանոցների մեծամասնությունը Ձեզ կառաջարկի հիանալի պայմաններ երեխաների հետ հանգստի համար: Ձեզ կներկայացվեն լողափեր փափուկ, թավշյա ավազով, հատուկ կահավորված խաղահրապարակներով, և, վերջապես, զվարճալի ջրաշխարհով՝ բազմազան ջրային արտակցիոննեով: Որոշ հյուրանոցներում մատոցվում են դայակի ծառայություններ:
Սևանա լճի տեսարժան վայրերը
2024 թ.-ի ամառը հիանալի ժամանակ է ոչ միայն հանգստանալու, այլև Սևանի տեսարժան վայրերին ծանոթանալու համար: Առավել հայտնի են Սևանի հնագույն վանքը (9-րդ դար): Վանական համալիրը տեղակայված է փոքր բլրի վերևում, որտեղից բացվում է հիասքանչ տեսարան: Անհրաժեշտ է այցելել նաև Հայրավանքը և Նորատուսը (խաչքարերի գերեզմանատուն), որտեղ կան բազմաթիվ 9-17(18) դդ. թվագրվող խաչքարեր:
Տուրեր և փաթեթներ դեպի Սևանա լիճ
Մեր գործակալության կողմից Հայաստանում 2024 թ.-ին առաջարկվող տուրերի մեծամասնությունը ներառում է ուղևորություն դեպի Սևան, որի ընթացքում Դուք հնարավորություն եք ունենալու հիանալ տեղական հուշարձաններով: Այս դեպքում, ուղևորափոխադրման և էքսկուրսիայի ծախսերը ներառված են մատչելի տուր փաթեթի ընդհանուր արժեքի մեջ: Այնուամենայնիվ, Դուք կարող եք ընտրել Ձեզ համար առավել հարմար հանգստի տարբերակը Սևանում:
Պատվիրեք ներգնա տուր փաթեթներ, անհատական էքսկուրսիոն տուրեր և ամենօրյա կանոնավոր տուրեր ONE WAY TOUR տուրիստական ընկերությունում և մենք կօգնենք Ձեզ բացահայտել Հայաստանը:
