wanna check in?

      Ամենօրյա տուրերի և ընդհանուր հարցումների համար

      +374 94 362131

      +374 91 362131

      +374 41 362131

      +374 11 362131

      Ներգնա տուր փաթեթների համար

      +374 41 362131

      Արտագնա տուր փաթեթների համար

      +374 11 362131

      +374 98 362131

      ԱՇՆԱՆԱՅԻՆ ՀԱՆԳԻՍՏԸ ՀԱՅԱՍՏԱՆՈՒՄ

      27.08.18

      Եթե ամռանը չեք հասցրել վայելել հանգիստը Հայաստանում, մի՛ անհանգստացեք: Աշունը ճիշտ ժամանակն է այցելելու այս հյուրընկալ երկիրը և ծանոթանալու գեղեցիկ բնությանը, հնագույն ավանդույթներին ու հարուստ պատմամշակութային ժառանգությանը: Աշնանը քայլարշավային և էքսկուրսիոն հիմնական ուղղությունները հասանելի են Հայաստանում: Բացի այդ, տարվա հենց այս եղանակին է հասունանում մրգերի մեծ մասը. դեղձը, ձմերուկը, սեխը, թուզը և խաղողը կգերեն Ձեզ իրենց առանձնահատուկ «արևայի» համով:

      Գոշի լիճ

      Հայկական բերքեր

       

      Ի՞նչ տեսնել Հայաստանում աշնանը

      Բավականին մեղմ աշունը Հայաստանում թույլ է տալիս լիարժեք մասնակցել տուրերին և քայլարշավներին: Սեպտեմբերի առաջին կեսին լողափնյա շրջանը դեռևս շարունակվում  է Սևանա լճում, որտեղ Դուք կարող եք հիանալի հանգիստ անցկացնել ամբողջ ընտանիքի հետ: Կարող եք այցելել նաև Ջերմուկի առողջարանները, Ծաղկաձորի կամ Դիլիջանի հանգստյան գոտիները, որտեղ Ձեր հանգիստը կհամալրվի բյուրեղյա պարզ լեռնային օդով և գեղատեսիլ տեսարաններով: Հայաստանի բնությունը աշնանը շատ գեղեցիկ է. կլիման բավականին չոր է, որը թույլ է տալիս լիարժեք վայելել տարվա այս եղանակի ամբողջ հմայքը` քայլել չոր, խշխշան տերևների վրայով, հիանալ կարմիր և «ոսկե» երանգներով ներկված ծառերի «հագուստներով»:

      Սևանավանք

      Աշնանային Դիլիջան

       

      Եղանակը Հայաստանում աշնանը

      Աշնան սկիզբը Հայաստանում հիմնականում բավականին տաք է, երբեմն էլ նույնիսկ շոգ: Մայրաքաղաքում ցերեկային ժամերին ջերմաստիճանը պահպանվում է  + 30 °C, սակայն, ի տարբերություն ամառային ամիսների, սեպտեմբերին արդեն իսկ երեկոյան բավականին հով է դառնում: Ամսվա կեսին ջերմությունը նվազում է, բայց եղանակը մնում է ջերմ և հաճելի: Օդի ջերմաստիճանը նվազում է մինչև + 20-22 °C: Գրեթե ամբողջ աշնան ընթացքում պահպանվում է չոր եղանակ, հիմնականում տեղումները սկսվում են նոյեմբերի վերջին: Լեռնային շրջաններում եղանակի փոփոխությունը ավելի ցայտուն է արտահայտված:

      Կասկադ

      Եղանակը Հայաստանում

       

      Աշնանային տոներ և միջոցառումներ

      Սեպտեմբերի 21-ին նշվում է ժամանակակից Հայաստանի ամենակարևոր տոներից մեկը` Անկախության օրը: Որպես կանոն, տոնակատարությունը սկսվում է առավոտյան շքերթով Հանրապետության հրապարակում և շարունակվում է քաղաքի փողոցներում` համերգների, ներկայացումների և տարբեր ժամանցային միջոցառումների տեսքով: Տոնի ավարտը համեմվում է շքեղ հրավառությամբ գլխավոր հրապարակում ուշ երեկոյան:

      Շքերթ Հանրապետության հրապարակում

      Հրավառություն Հանրապետության հրապարակում

      Աշունը բերքահավաքի ժամանակն է, և այս կապակցությամբ Հայաստանում նշվում է ամենագեղեցիկ տոներից մեկը` Արենի գինու փառատոնը: Փառատոնը անցկացվում է հոկտեմբերին Արենիում՝ հայկական գինեգործության օրրանում: Բազում զբոսաշրջիկներ մասնակցում են այս գունեղ տոնակատարությանը:

      Հայկական գինու համտես

      Գինեգործությունը Հայաստանում

      Անպայման ներառեք Արենի գինու փառատոնը Ձեր շրջագայության ծրագրում, և Դուք անկասկած կանցկացնեք հիանալի ժամանակ՝ համտեսելով հայկական գինիների լավագույն տեսականի, ինչպես նաև պանրի տեսականի, լավաշ և հայկական ազգային խմորեղեն: Այստեղ Ձեզ հնրավորություն կընձեռվի մասնակցել ժողովրդական երգերով և պարերով լի միջոցառումներին, որոնք կպարգևեն Ձեզ անմոռանալի տպավորություններ:

      Արենի գինու փառատոն

      Արենի գինու գործարան

       

      Տուրեր և էքսկուրսիաներ Հայաստանում աշնանը

      Մեր տուրիստական ​​գործակալությունը սիրով առաջարկում է Ձեզ 2020 թ.-ի աշնանային էքսկուրսիաների մեծ բազմազանություն: Դասական տուրերը կծանոթացնեն երկրի հիմնական պատմական և ճարտարապետական ​​հուշարձաններին (Գառնու տաճար, Գեղարդի վանական համալիր, Սևան, Տաթևի վանական համալիր, Խնձորեսկ և այլն): Հատուկ տուրերը հնարավորություն կընձեռեն նկարելու անասելի գեղեցկության տեսարաններ, տեղեկություն ստանալու տեղական ավանդույթների մասին, ինչպես նաև փորձելու համեղ ազգային ուտեսներ: Հայաստանի եղանակային պայմանները շատ հարմար են ակտիվ հանգստի համար. Դուք կարող եք մասնակցել քայլարշավների և ձիարշավների: Բացի այդ, մեր գործակալությունը առաջարկում է Ձեզ նաև բյուջետային տուրեր:

      Խնձորոսկ

      Գառնու տաճար

       

      Պատվիրեք ներգնա տուր փաթեթներ, անհատական էքսկուրսիոն տուրեր և ամենօրյա կանոնավոր տուրեր ONE WAY TOUR տուրիստական ընկերությունում և մենք կօգնենք Ձեզ բացահայտել Հայաստանը:

      ԱԿՏԻՎ ՏՈՒՐԵՐ 2020