wanna check in?

      Ամենօրյա տուրերի և ընդհանուր հարցումների համար

      +374 94 362131

      +374 91 362131

      +374 41 362131

      +374 11 362131

      Ներգնա տուր փաթեթների համար

      +374 41 362131

      Արտագնա տուր փաթեթների համար

      +374 11 362131

      +374 98 362131

      6 ՏԵՍԱՐԺԱՆ ՎԱՅՐԵՐ ԱՐԶՆԻՈՒՄ ԵՎ ՆՐԱ ՇՐՋԱԿԱՅՔՈՒՄ

      07.09.20

      Եթե հոգնել եք քաղաքի թոհ և բոհից, ապա հանգիստը Արզնիում հենց այն է, ինչ Դուք փնտրում եք: Գողտրիկ և գրավիչ առողջարանային գյուղ Արզնին տեղակայված է Կոտայքի մարզում: Տեղական բուժիչ ջուրը հարուստ են հանքային տարրերով. ջուրը օգտագործվում է տարբեր հիվանդությունների բուժման և կանխարգելման, ինչպես նաև առողջության ընդհանուր բարելավման համար: Ենթադրվում է, որ Արզնի գյուղն ինքնին հիմնադրվել է 19-րդ դարում, բայց այս տեղանքում բնակավայրի հիշատակումը, ինչպես որոշ տեղական հուշարձաններ, թվագրվում է շատ ավելի վաղ ժամանակահատվածով: Որոշ պատմաբաններ գյուղի անվան ծագումը կապում են  Արա Գեղեցիկի և Շամիրամի առասպելի հետ, ըստ որի այստեղ ժամանակին ճակատամարտ է տեղի ունենում նրանց միջև։ Այսպիսով, ի՞նչ տեսնել Արզնիում հանգստի ժամանակ:

      Արզնիի հանգստյան տներ

      Արզնիի բնություն

       

      Հինավուրց եկեղեցի

      Չնայած այն հանգամանքին, որ այս վայրում բնակավայրերի մասին առաջին հիշատակումները թվագրվում են 15-րդ դարով, Արզնիի տարածքում պահպանվել է միջնադարյան հին հայկական եկեղեցի: Ըստ մասնագետների, այս տեսարժան վայրը կառուցվել է մ.թ. 6-րդ դարում:

      Արզնիի Սուրբ Կարապետ եկեղեցի

      Արզնիի Սուրբ Կարապետ եկեղեցի

       

      Ասորական եկեղեցի և հայկական եկեղեցիներ

      Արզնի գյուղը ամբողջովին վերակառուցվեց 19-րդ դարում ասորիների կողմից: Այստեղ տեղակայված է նաև նրանց կողմից կառուցած ասորական եկեղեցին: Եկեղեցու շենքը հատկանշական է այն փաստի համար, որ նախկինում ավերված հին հայկական եկեղեցուց մնացած քարերը օգտագործվել են դրա կառուցման համար:
      Արզնիում կարելի է տեսնել նաև համեմատաբար ավելի ուշ կառուցված հայկական եկեղեցիներ: Այսպիսով, տեղական պատմական և ճարտարապետական հուշարձաններից կարելի է նշել՝ Սուրբ Կարապետ եկեղեցին (17-18 դդ.), Սուրբ Պետրոս և Պողոս եկեղեցին (18-19 դդ), Սուրբ Մարիամ Աստվածածնի եկեղեցին (19-րդ դար):

      Ասորական եկեղեցի, Արզնի

      Ասորական եկեղեցի, Արզնիում

       

      Քարանձավային բնակավայրեր և Հինավուրց գերեզմանատուն

      Հրազդան գետի կիրճում գտնվող ժայռերի ստորին մասում կարող եք տեսնել Արզնիի մեկ այլ ուշագրավ հետաքրքրություն՝ լավ պահպանված բնական քարանձավներ, որոնցով հարուստ է Արզնիի տարածքը: Ժամանակին այդ քարանձավները ծառայում էին որպես բնակելի տարածք մարդկանց համար, ինչպես նաև հուսալի ապաստարան, որտեղ գյուղացիները պատսպարվում էին թշնամու արշավանքների ժամանակ:
      Գյուղի հյուսիսում գտնվել են գերեզմաններ, որոնք վկայում են այն մասին, որ մարդիկ բնակություն են հաստատել այստեղ դեռ շատ հին ժամանակներից: Հին գերեզմանատների տարածքում տեղակայված են բազմաթիվ խաչքարեր:

      Արզնի

      Արզնի

       

      Հրազդանի կիրճ

      Գյուղի հենց գտնվելու վայրը կարելի է համարել տեղական բնական տեսարժան վայրերից մեկը: Բնակավայրը գտնվում է Հրազդան գետի գեղատեսիլ կիրճում: Արզնի գյուղում գործում են հինգ առողջարաններ: Շքեղ բնությունն ու մաքուր լեռնային օդը դարձնում են տարածքը կատարյալ՝ երկար զբոսանքների և ակտիվ ժամանց անցկացնելու համար:

      Արզնիի առողջարաններ

      Արզնիի առողջարաններ

       

      ԱԿՏԻՎ ՏՈՒՐԵՐ 2020