Վանաձորը երկրի երրորդ ամենամեծ քաղաքն է՝ մայրաքաղաք Երևանից և «մշակութային մայրաքաղաք» Գյումրիից հետո: Մինչև 1935 թվականը քաղաքը կրում էր Ղարաքիլիսա անունը, իսկ սովետական տարիներին այն կոչվում էր Կիրովական: Վանաձորը Լոռվա մարզի կենտրոնն է, որի միջով անցնում են դեպի Հայաստանի հյուսիսային հատված տանող գրեթե բոլոր երթուղիները: Եկեք միասին դիտարկենք, թե որ 10 տեսարժան վայրերը պետք է տեսնել Վանաձոր կատարած այցի ընթացքում:
![Վանաձոր Վանաձոր](https://onewaytour.com/wp-content/uploads/2020/05/1Վանաձոր.jpg)
![Լոռվա մարզ Լոռվա մարզ](https://onewaytour.com/wp-content/uploads/2020/05/2Լոռվա-մարզ.jpg)
Վանաձորի Սբ. Մարիամ Աստվածածին Եկեղեցի
Այս տեսարժան վայրի հետ է կապված քաղաքի առաջին անվանումը: 13-րդ դարում այստեղ կառուցվել էր մի եկեղեցի, որը ամբողջովին սև քարից էր: Թյուրքական ցեղերը անվանեցին բնակավայրը «Ղարաքիլիսա», ինչը նշանակում է «սև եկեղեցի»: Հին եկեղեցու շենքը կանգուն էր մինչև 1826 թվականը. այն ավերվեց ուժեղ երկրաշարժի հետևանքով: Որոշ ժամանակ անց նույն տեղում կառուցվեց նոր եկեղեցի՝ստանալով «Սուրբ Աստվածածին» անվանումը:
![Վանաձորի Սբ. Մարիամ Աստվածածին Եկեղեցի Վանաձորի Սբ. Մարիամ Աստվածածին Եկեղեցի](https://onewaytour.com/wp-content/uploads/2020/05/3Վանաձորի-Սբ.-Մարիամ-Աստվածածին-Եկեղեցի.jpg)
![Վանաձորի Սբ. Մարիամ Աստվածածին Եկեղեցի Վանաձորի Սբ. Մարիամ Աստվածածին Եկեղեցի](https://onewaytour.com/wp-content/uploads/2020/05/4Վանաձորի-Սբ.-Մարիամ-Աստվածածին-Եկեղեցի.jpg)
Կենտրոնական հրապարակ
Խորհրդային տարիներին քաղաքի կենտրոնական հրապարակը (ինչպես նաև հենց քաղաքը) կոչվեց Կիրովի անունով: Այսօր, ի պատիվ հայ հերոսական էպոսի, այն կոչվում է Հայկի հրապարակ: Հրապարակի շենքերը կառուցվել են 1950-ական թվականներին: Շենքերը, դրանց արտաքին տեսքն ու զարդարանքը պահպանում են հայկական ավանդական ճարտարապետության առանձնահատուկ ոճը:
![Կենտրոնական հրապարակ, Վանաձոր Կենտրոնական հրապարակ, Վանաձոր](https://onewaytour.com/wp-content/uploads/2020/05/5Կենտրոնական-հրապարակ-Վանաձոր.jpg)
![Կենտրոնական հրապարակ, Վանաձոր Կենտրոնական հրապարակ, Վանաձոր](https://onewaytour.com/wp-content/uploads/2020/05/6Կենտրոնական-հրապարակ-Վանաձոր.jpg)
Սուրբ Գրիգոր Նարեկացի մայր եկեղեցի
Այս հոյակապ եկեղեցին համեմատաբար նոր տեսարժան վայրերից մեկն է: Եկեղեցին կառուցվել է 2005 թվականին: Այն զարդարված է բազմաթիվ որմնանկարներով: Այստեղ կարող եք տեսնել նաև հայկական եկեղեցու պատմությունն ու քրիստոնեության ձևավորումը ներկայացնող նկարներ և պատկերներ:
![Սուրբ Գրիգոր Նարեկացի եկեղեցի Սուրբ Գրիգոր Նարեկացի եկեղեցի](https://onewaytour.com/wp-content/uploads/2020/05/7Սուրբ-Գրիգոր-Լուսավորիչ-մայր-եկեղեցի.jpg)
![Սուրբ Գրիգոր Նարեկացի եկեղեցի Սուրբ Գրիգոր Նարեկացի եկեղեցի](https://onewaytour.com/wp-content/uploads/2020/05/8Սուրբ-Գրիգոր-Լուսավորիչ-մայր-եկեղեցի.jpg)
Լոռի-Փամբակի Երկրագիտական թանգարան
Սա թանգարան է, ցուցասրահ և գանձարան, որտեղ պահվում են ավելի քան 34 հազար արժեքավոր ցուցանմուշ: Այստեղ Դուք կարող եք տեսնել հին հագուստներ, ճաշատեսակներ, զարդեր, ինչպես նաև ծիսական արարողությունների ժամանակ օգտագործվող առարկաներ և գործիքներ: Թանգարանի այցելությունըը կօգնի ավելի լավ հասկանալ և «Ձեր իսկ աչքերով տեսնել» տարածաշրջանի պատմությունը:
![Լոռի Փամբակի Երկրագիտական թանգարան Լոռի Փամբակի Երկրագիտական թանգարան](https://onewaytour.com/wp-content/uploads/2020/05/9Լոռի-Փամբակի-Երկրագիտական-թանգարան.jpg)
![Լոռի Փամբակի Երկրագիտական թանգարան Լոռի Փամբակի Երկրագիտական թանգարան](https://onewaytour.com/wp-content/uploads/2020/05/10Լոռի-Փամբակի-Երկրագիտական-թանգարան.jpg)
Պատկերասրահ
Վանաձորի պատկերասրահը հիմնադրվել է անցյալ դարի 70-ական թվականներին: Ժամանակին այն պետական պատկերասրահի մասնաճյուղ էր, սակայն շուտով այն վերածվեց լիարժեք անկախ թանգարանի: Այսօր Վանաձորի պատկերասրահում ցուցադրվում են ավելի քան երկու հազար ցուցանմուշ, որոնց թվում են նկարներ և քանդակներ:
![Պատկերասրահ Վանաձորում Պատկերասրահ Վանաձորում](https://onewaytour.com/wp-content/uploads/2020/05/11Պատկերասրահ-Վանաձորում.jpg)
![Պատկերասրահ Վանաձորում Պատկերասրահ Վանաձորում](https://onewaytour.com/wp-content/uploads/2020/05/12Պատկերասրահ-Վանաձորում.jpg)
Ռուսական ուղղափառ եկեղեցի (Սուրբ Աստվածածնի ծնունդ)
Սուրբ Աստվածածնի ծնունդ անունը կրող եկեղեցին Ռուսական ուղղափառ եկեղեցի է: Եկեղեցու շենքը, որն ունի կլորավուն գմբեթ, կառուցված է ոչ այնքան սովորական բյուզանդական ոճով: Եկեղեցին կառուցվել է 19-րդ դարում:
![Ռուսական ուղղափառ եկեղեցի (Սուրբ Աստվածածնի ծնունդ) Ռուսական ուղղափառ եկեղեցի (Սուրբ Աստվածածնի ծնունդ)](https://onewaytour.com/wp-content/uploads/2020/05/13Ռուսական-ուղղափառ-եկեղեցի-Սուրբ-Աստվածածնի-ծնունդ.jpg)
![Ռուսական ուղղափառ եկեղեցի (Սուրբ Աստվածածնի ծնունդ) Ռուսական ուղղափառ եկեղեցի (Սուրբ Աստվածածնի ծնունդ)](https://onewaytour.com/wp-content/uploads/2020/05/14Ռուսական-ուղղափառ-եկեղեցի-Սուրբ-Աստվածածնի-ծնունդ.jpg)
Կամակատար մատուռ
Կամակատար մատուռը փոքրիկ հին շինություն է, որը գտնվում է Վանաձորի մերձակայքում: Կրոնական նպատակ ունեցող շենքը պատկանում է միջնադարյան ժամանակաշրջանի պատմական հուշարձաններին:
![Կամակատար մատուռ Կամակատար մատուռ](https://onewaytour.com/wp-content/uploads/2020/05/15Կամակատար-մատուռ.jpg)
![Կամակատար մատուռ Կամակատար մատուռ](https://onewaytour.com/wp-content/uploads/2020/05/16Կամակատար-մատուռ.jpg)
Սանահին
Վանաձորից ոչ հեռու Լոռվա մարզի հայտնի տեսարժան վայրերից են երկու հնագույն վանքերը՝ Հաղպատն ու Սանահինը: Ըստ ավանդազրույցի, Սանահին վանքը միահամուռ ուժերով սկսեցին կառուցել հայր և որդ՝ երկու հիանալի ճարտարապետներ: Սակայն վիճաբանությունից հետո որդին որոշեց կառուցել իր վանական համալիրը: Սանահինը հայտնի է իր գեղեցիկ «ժանյակազարդ» խաչքարերով, որոնց նախշազարդը երբեք չի կրկնվում:
![Սանահին Սանահին](https://onewaytour.com/wp-content/uploads/2020/05/14-Սանահին.jpg)
![Սանահին Սանահին](https://onewaytour.com/wp-content/uploads/2018/04/Սանահին.jpg)
Հաղպատ
Ավանդազրույցի շարունակությունը պատմում է, որ երիտասարդ ճարտարապետին հաջողվում է կառուցել հոյակապ վանք և տպավորել իր հորը: Տեսնելով իր ժառանգի ձեռքի աշխատանքը՝ տարեց ճարտարապետը հիացմունքով բացականչեց «Ախ, պատ»: Այդ պատճառով վանական համալիրը ստացավ Հաղպատ անվանումը:
![Հաղպատ Հաղպատ](https://onewaytour.com/wp-content/uploads/2020/05/13-Հաղպատ.jpg)
![Հաղպատ Հաղպատ](https://onewaytour.com/wp-content/uploads/2018/07/Haghpat.jpg)
Քարե կամուրջ
Սանահին վանքի մոտակայքում գտնվում է մի հին քարե կամուրջ: Կամուրջը կառուցել է կայսրուհի Վանենի Զաքարյանը՝ ի հիշատակ իր հանգուցյալ ամուսնու: Կամրջի երկարությունը մոտ 60 մետր է, բարձրությունը գետից` 12,5 մ: Չնայած այն հանգամանքին, որ կամուրջը մոտ մեկ հազարամյակից ավել կանգուն է, կատարյալ պահպանվել է ոչ միայն շարվածքը, այլև կամրջի երեսպատումը, ինչպես նաև քարե զարդանախշերը՝ վայրի կատուների տեսքով: Հնագույն կամուրջը դեռ գործում է. այստեղից բացվում է վանքի և շրջակայքի հիանալի տեսարան:
![Քարե կամուրջ, Վանաձոր Քարե կամուրջ, Վանաձոր](https://onewaytour.com/wp-content/uploads/2020/05/21Քարե-կամուրջ-Վանաձոր.jpg)
![Քարե կամուրջ, Վանաձոր Քարե կամուրջ, Վանաձոր](https://onewaytour.com/wp-content/uploads/2020/05/22Քարե-կամուրջ-Վանաձոր.jpg)
Պատվիրեք ներգնա տուր փաթեթներ, անհատական էքսկուրսիոն տուրեր և ամենօրյա կանոնավոր տուրեր ONE WAY TOUR տուրիստական ընկերությունում և մենք կօգնենք Ձեզ բացահայտել Հայաստանը: