)
Հայաստանը բազմաթիվ բարձր լեռների, անմատչելի ժայռերի և վարար լեռնային գետերի երկիր է: Այստեղ գրեթե բոլոր շրջաններում կարելի է տեսնել առանձին կամ կասկադային ջրվեժներ՝ յուրաքանչյուրը յուրովի գեղեցիկ և առանձնահատուկ: Դեպի ամենահայտնի ջրվեժներ իրականացվում են հատուկ էքսկուրսիաներ, մնացածը, որոնք տեղակայված են բնության ավելի հեռավոր և վայրի անկյուններում, հասանելի մնում են միայն իրական էքստրեմալների համար: Եկեք ավելի մանրամասն դիտարկենք Հայաստանի թոփ 10 ջրվեժները, որոնք կարող եք այցելել Հայաստանում:
1. Քասախի ջրվեժ
70 մետր բարձրությամբ Քասախի ջրվեժը, տեղակայված Արագածոտնի մարզի Հովհաննավան գյուղում՝ Քասախ գետի վրա, Հայաստանի ամենաբարձր ջրվեժն է: Քասախ գետի ակունքները սկսվում են Արագած լեռան բարձունքից և հոսում դեպի Արարատյան դաշտավայր: Քասախի բնության հրաշալիքը իսկապես հոյակապ տեսարան ունի. ջրվեժի շառաչի և փառահեղ Հովհաննավանքի զանգերի ղողանջի համադրությունը իսկապես տպավորիչ է:
2. Ջերմուկի ջրվեժ
Ջերմուկի ջրվեժը (68 մետր) համարվում է Հայաստանում երկրորդ ամենաբարձր ջրվեժը: Ջրվեժը գտնվում է առողջարանային քաղաք Ջերմուկում, որը հայտնի է ոչ միայն իր գեղատեսիլ բնությամբ, այլև ջերմային հանքային բազմաթիվ աղբյուրների առկայությամբ: Հանքային ջուրն ունի հատուկ քիմիական բաղադրություն, բուժիչ պրոֆիլակտիկ հատկություններ:
3. Շաքիի ջրվեժ
Շաքիի ջրվեժը գտնվում է Սիսիան քաղաքում՝ Շաքի գետի վրա: Ժայռի ողջ երկայնքով ձևավորվում են բազմաթիվ գետակներ, որոնց շնորհիվ Շաքիի ջրվեժը ջրի մեծ կասկադով թափվում է ներքև: Շաքիի ջրվեժը բարձրությամբ (18 մետր) մի փոքր զիջում է նախորդներին, սակայն նրա ուժն այնքան մեծ է, որ ջրվեժի մոտ կանգնած մարդկանց ձայնը գրեթե հնարավոր չէ լսել:
4. Թռչկանի ջրվեժ
Թռչկանի ջրվեժը (23 մետր) բնական հուշարձան է, որը գտնվում է Չիչխան գետի վրա՝ Շիրակի և Լոռվա մարզերի սահմանագծում: Այս տարածքի բնությունը հարուստ է հազվագյուտ կենդանիների և բույսերի տեսակներով, որոնցից շատերը գրանցված են Կարմիր գրքում, իսկ Չիչխան գետը լի է կարմրախայտով: Ջրվեժի Թռչկան («Թռիչք») անվանումը կապված է հենց այս ձկների հետ, որոնց կարելի է նկատել ջրվեժի վերնամասում:
5. Լիճքի ջրվեժները և 6. Չռան ջրվեժ
Լիճքի ջրվեժները Հայաստանի քիչ ճանաչում ունեցող ջրվեժներից են և գտնվում են Սյունիքի մարզի Լիճք գյուղի տարածքով անցնող Զվարագետի և Մեղրի գետի վրա: Զվարագետ գետի առավել մատչելի մասում կարելի է տեսնել միմյանց մոտ գտնվող չորս ջրվեժներ: Մեղրի գետի վրա կան մի քանի տասնյակ ջրվեժներ, որոնք սկիզբ են առնում են գյուղից երկու կիլոմետր դեպի հյուսիս հեռավորության վրա:
Սյունիքի մարզի Լծեն գյուղում տեղակայված է Չռան ջրվեժը (30 մետր), որը կտրուկ ժայռից իջնում է ներքև: Չռանի ջրվեժ հասնելը հեշտ գործ չէ, նույնիսկ պրոֆեսիոնալ մարզիկների համար: Այնտեղ կարելի է հասնել միայն լեռնային նեղ ճանապարհով: Այնուամենայնիվ, Դուք գոհ կմնաք, որ այդքան ջանք եք գործադրել, քանի որ ճանապարհի վերջում փառահեղ տեսարանն անկասկած արժանի պարգև կլինի Ձեզ համար:
7. Հերհերի ջրվեժները և 8. Խոսրովյան ջրվեժ
Հերհերի ջրվեժները կամ Քարավազի ջրվեժները (8 և 12 մետր) գտնվում են Մարտունու շրջանի Հերհեր գյուղի մոտ: Ջրվեժները տեղակայված են ժայռոտ ձորերում. բավականին բարդ արշավային ճանապարհ է սպասում այցելուներին, ովքեր պետք է որոշակի ֆիզիկական պատրաստվածություն ունենան: Ջրվեժներից մեկը (8 մ) թափվում է փոքր բյուրեղյա լճի մեջ, որտեղ ամռանը շատ հաճելի է լողալ և թարմանալ:
Այս հրաշալի կասկադային ջրվեժը (մոտ 10 մետր) գտնվում է Խոսրովի արգելոցում՝ Արարատի մարզում: Տարածքը հարուստ է յուրահատուկ բուսական և կենդանական աշխարհով և պաշտպանվում է պետության կողմից: Այնուամենայնիվ, Խոսրովի ջրվեժի պարզ, թափանցիկ ջրերում թույլատրվում է լողալ, ինչը, իհարկե, բազմաթիվ զբոսաշրջիկների է գրավում:
9. Շառաչի ջրվեժը և 10. «Զոնտիկներ» ջրվեժ
Շառաչ ջրվեժը (15 մետր) գտնվում է բավականին անհասանելի վայրում`Տավուշի մարզի Խնձորուտ գետի վրա: Շառաչ աբվանումը հայերենից թարգմանվում է որպես «մռնչյուն», ինչը կապված է ջրի բարձր ձայնի հետ:
Իհարկե, բնական տեսարժան վայրերի այս ցուցակը թերի կլինի առանց Արցախում տեղակայված «Զոնտիկներ» ջրվեժի: Ջրվեժը ստացել է վերոնշյալ անվանումը արտաքին տեսքի համար. ջուրը բարակ շիթերով հոսում է կլորավուն, մամռապատ ժայռից, ինչպես անձրևի կաթիլներն են հոսում հովանոցներից: Ջրվեժի երկրորդ անվանումն է «Մամռոտ Քար» («Մոսիի Քար»):
Պատվիրեք ներգնա տուր փաթեթներ, անհատական էքսկուրսիոն տուրեր և ամենօրյա կանոնավոր տուրեր ONE WAY TOUR տուրիստական ընկերությունում և մենք կօգնենք Ձեզ բացահայտել Հայաստանը:
