wanna check in?

      ՍՈՒՐԲ ԶԱՏԻԿԸ ՀԱՅԱՍՏԱՆՈՒՄ

      7 օր / 6 գիշեր
      Գինը՝ սկսած 538 USD
      ՆԿԱՐԱԳԻՐ

      «Ինչո՞ւ եք ողջին մեռելների մեջ փնտրում: Այստեղ չէ, այլ Հարություն առավ» (Ղուկ. 24:5-6): 

      Ս. Հարության տոնի նախընթաց երեկոյան եկեղեցիներում մատուցվում է Ճրագալույցի ս. պատարագ, որով սկսվում են զատկական տոնակատարությունները:

      ONE WAY TOUR տուրիստական գործակալությունը առաջարկում է նշել Սբ. Հարության տոնը Հայաստանում, ինչպես նաև այցելել այնպիսի վայրեր, ինչպիսիք են ժայռափոր Գեղարդվանքը, ինչպես նաև այն վանական համալիրը, ուր 13 տարի բանտարկված է եղել Գրիգոր Լուսավորիչը, ինչպես նաև վայելել հայկական բնության հրաշքները:

      Ժամանում - Երևան - Շրջայց քաղաքում - Զվարթնոց - Էջմիածին - Երևան

      Դիմավորում օդանավակայանում: Տեղափոխում հյուրանոց: Նախաճաշ հյուրանոցում: Շրջայց Երևան քաղաքում, որը կընդգրկի ամենագլխավոր փողոցներն ու շինությունները, ինչը հնարավորություն կտա ծանոթանալ մայրաքաղաքին: Կուղևորվենք Զվարթնոցի տաճար՝ կառուցված 7-րդ դարում, և որից մեզ են հասել ավերակները: Զվարթնոցի տաճարը, Էջմիածնի Մայր Տաճարի և Սբ. Գայանե ու Սբ. Հռիփսիմե եկեղեցիների հետ միասին ընդգրկված է ՅՈՒՆԵՍԿՕ-ի Ժառանգությունների Ցանկում: Կայցելենք Էջմիածին, կմասնակցենք Ճրագալույցի ս. պատարագին: Ետ Երևան:

      Գիշերակաց: Երևան

      Երևան - Ամբերդ - Բյուրական (Տոնացույց) - Երևան

      Նախաճաշ հյուրանոցում: Կուղևորվենք 7-րդ դարում կառուցված Ամբերդ ամրոց, որ գտնվում է Հայաստանի ամենաբարձր լեռան՝ Արագածի լանջին: Կայցելենք Բյուրական, որտեղ մեզ կներկայացվեն հին հայկական ավանդույթներն ու ծեսերը, կիմանանք, թե ինչպես են դարեր առաջ նշել Ս. Հարության տոնը: Ետ Երևան:

      Գիշերակաց: Երևան

      Երևան - Խոր Վիրապ - Նորավանք - Արենի - Սիսիան

      Նախաճաշ հյուրանոցում: Կուղևորվենք Խոր Վիրապ վանական համալիր, որտեղ 13 տարի շարունակ բանտարկյալի կյանքով է ապրել Գրիգոր Լուսավորիչը: Այստեղից հրաշալի տեսարան է բացվում դեպի Արարատ լեռը: Մեր հաջորդ կանգառը կլինի Նորավանքում՝ երկհարկանի վանքում, որ եզակի է իր կառուցվածքով: Արենիում կհամտեսենք հայկական գինին և կուղևորվենք առողջարանային քաղաք Սիսիան:

      Գիշերակաց: Սիսիան

      Սիսիան- Տաթև - Շաքիի ջրվեժ - Երևան

      Նախաճաշ հյուրանոցում: Շրջայց Սիսիանում, այնուհետև կուղևորվենք Տաթևի վանական համալիր, որ գտնվում է կիրճի եզրին: Վանքին հասնելու համար կօգտվենք Տաթևեր ճոպանուղուց: Երևան վերադառնալու ճանապարհին կտեսնենք նաև հայաստանյան բնության մեկ այլ հրաշք՝ Շաքիի ջրվեժը:

      Գիշերակաց: Երևան

      Երևան - Սևան - Դիլիջան (Գոշավանք, Հաղարծին) - Երևան

      Նախաճաշ հյուրանոցում: Ուղևորություն դեպի Սևանա լիճ՝ ամենամեծ քաղցրահամ լիճը Հայաստանում և Եվրասիայում: Կայցելենք թերակղզու վրա գտնվող Սևանավանքը, ինչից հետո կուղևորվենք Դիլիջան կամ ինչպես նրան հաճախ կոչում են՝ Հայկական Շվեյցարիա: Կայցելենք 13-րդ դարի վանական համալիրներ Գոշավանքն ու Հաղարծինը: Ետ Երևան:

      Գիշերակաց: Երևան

      Երևան - Չարենցի կամար - Գառնի - Գեղարդ - Երևան

      Նախաճաշ հյուրանոցում: Կայցելենք մեր տարածաշրջանի միակ հեթանոսական տաճարը: Ճանապարհին կունենանք կանգառ Չարենցի կամարի մոտ, որտեղից հրաշալի տեսարան է բացվում դեպի Արարատ լեռը: Կայցելենք ժայռափոր Գեղարդավանք: Ետ Երևան:

      Գիշերակաց: Երևան

      Մեկնում

      Նախաճաշ հյուրանոցում: Տեղափոխում օդանավակայան:

      ԳԻՆԸ ՆԵՐԱՌՈՒՄ Է

      • Օդանավակայան դիմավորումը/ ճանապարհումը
      • Հյուրանոցի արժեքը
      • Տրանսպորտային ծախսերը
      • Պրոֆեսիոնալ էքսկուրսավարի ծառայությունը
      • Հարկերը
      • Սնունդը (նախաճաշ, ճաշ)
      • Մուտքի տոմսերը
      • Խմելու ջուրը մեքենայում

      ԳԻՆԸ ՉԻ ՆԵՐԱՌՈՒՄ

      • Տեղափոխումը Հայաստան
      • Ալկոհոլային խմիչքները
      • Ապահովագրությունը

      ԿԱՐԵՎՈՐ Է

      • Գները նշված են մի անձի հաշվարկով երկտեղանոց սենյակում։
      • Ցանկության դեպքում կարող եք ընտրել այլ հյուրանոց Հայաստանում։ Հնարավոր է փաթեթի արժեքը փոփոխվի:
      • Ծրագիրը կարող է փոփոխվել ըստ ձեր ցանկության։ Հնարավոր է փաթեթի արժեքը փոփոխվի:

      ԿԱ՞Ն ՀԱՐՑԵՐ

      Տուրը կհամարվի ամրագրված միայն մեր կողմից հաստատում ստանալու դեպքում

      ԿԻՍՎԵԼ ԸՆԿԵՐՆԵՐԻ ՀԵՏ

      ՆՄԱՆԱՏԻՊ ՏՈՒՐԵՐ