Սուրբ Հռիփսիմե եկեղեցին գտնվում է Էջմիածին քաղաքի մուտքի մոտ: Այն կառուցվել է ի պատիվ նահատակ Հռիփսիմեի, ում գերեզմանը գտնվում է անմիջապես եկեղեցու խորանի տակ: Ըստ ավանդության Հռիփսիմեն, լինելով քրիստոնյա, չցանկացավ դառնալ Հռոմի կայսր Դիոկղետիանոսի կինը: Կայսրը կույսերի փախուստի մասին հայտնում է հայոց Տրդատ Գ Մեծ թագավորին և ասում, որ հայոց թագավորը հետ վերադարձնի նրանց, բայց եթե ուզենա, կարող է կնության առնել Հռիփսիմեին: Սակայն Հռիփսիմեն հրաժարվում է նաև հայոց թագավորի առաջարկներից և նահատակվում է որպես սուրբ և հավատարիմ քրիստոնյա: Սուրբ Հռիփսիմե եկեղեցին ընդգրկված է ՅՈՒՆԵՍԿՕ-ի համաշխարհային ժառանգության ցանկում:
Լավ զարգացած ճանապարհատրանսպորտային պայմանները հնարավորություն են տալիս հասնել Սուրբ Հռիփսիմե եկեղեցի անձնական մեքենայով կամ օգտվելով տարբեր տուրիստական ընկերությունների ծառայություններից, որոնք առաջարկում են կանոնավոր տուրեր դեպի Հայաստանի տարբեր տեսարժան վայրեր։ Սուրբ Հռիփսիմե եկեղեցու աշխարհագրական դիրքի շնորհիվ ճանապարհը երկար չի թվա:
Հաճելի կլիմայական պայմանների շնորհիվ տուրիստական բարձր սեզոնը Հայաստանում բավականին երկար է տևում: Մարտից մինչև խոր աշուն օրերը տաք են, ձմեռը սովորաբար երկար չի տևում: Տեղումների արտահայտված սեզոնը փոփոխական է: Դեպի Սուրբ Հռիփսիմե եկեղեցի տուրերի սեզոնայնությունը կախված է եղանակային պայմաններից:
Սուրբ Հռիփսիմե եկեղեցին կառուցվել է 618 թ․ Վաղարշապատում ՝ Հռիփսիմեի նահատակության վայրում: Ըստ Ագաթանգեղոսի, այս վայրում 301 թվականին Գրիգոր Լուսավորչի, Տրդատ թագավորի և թագուհու նախաձեռնությամբ կառուցվել է մատուռ: 395-ին Սահակ Պարթև կաթողիկոսը վերակառուցել է Սուրբ Հռիփսիմեի մատուռը: Եվ արդեն 618-ին մատուռի տեղում Կոմիտաս կաթողիկոսը տուֆից կառուցեց Սուրբ Հռիփսիմե եկեղեցին:
Սբ․ Հռիփսիմե եկեղեցին պատկանում է միջնադարյան Հայաստանի եկեղեցական կառույցների առավել կատարելագործված տիպին (ձևավորվել է VI դարում)։ Եկեղեցու կառուցվածքային համակարգը՝ չորս խորանների, խորշերի ու նրանց վրա հանգչող գմբեթի կորագիծ մակերևույթներով, նրա գեղարվեստական կերպարի հիմնական միջոցն է։ Եկեղեցին ունի մեծ երկրաշարժակայունություն։
ՍՈՒՐԲ ԳԱՅԱՆԵ ԵԿԵՂԵՑԻ
1 կմ
ՍՈՒՐԲ ՇՈՂԱԿԱԹ ԵԿԵՂԵՑԻ
1,5 կմ
ՄԱՅՐ ԱԹՈՌ ՍՈՒՐԲ ԷՋՄԻԱԾԻՆ
1,6 կմ