wanna check in?
Հանրապետության հրապարակը ճարտարապետ Ալեքսանդր Թամանյանի 1924-1936 թթ. նախագծած գլխավոր հատակագծի սիրտն է։ Թամանյանն ու գործընկերները կերպարանափոխեցին Երևան քաղաքը. այն վերածվեց տպավորիչ նորակառույց շինություններով ժամանակակից քաղաքի։ Հանրապետության հրապարակը հայ ճարտարապետության գլուխգործոցներից է։ 1971-ին Հանրապետության հրապարակի կառուցապատման հեղինակներն արժանացել են ՀԽՍՀ պետական մրցանակի։
Լավ զարգացած ճանապարհատրանսպորտային պայմանները հնարավորություն են տալիս հասնել Հանրապետության հրապարակ անձնական մեքենայով կամ օգտվելով տարբեր տուրիստական ընկերությունների ծառայություններից, որոնք առաջարկում են կանոնավոր տուրեր դեպի Հայաստանի տարբեր տեսարժան վայրեր։ Հանրապետության հրապարակի աշխարհագրական դիրքի շնորհիվ ճանապարհը երկար չի թվա:
Հաճելի կլիմայական պայմանների շնորհիվ տուրիստական բարձր սեզոնը Հայաստանում բավականին երկար է տևում: Մարտից մինչև խոր աշուն օրերը տաք են, ձմեռը սովորաբար երկար չի տևում: Տեղումների արտահայտված սեզոնը փոփոխական է: Դեպի Հանրապետության հրապարակ տուրերի սեզոնայնությունը կախված է եղանակային պայմաններից:
Հրապարակի չորս հիմնական շենքերի կառուցումը տևել է 1926-1958 թթ: Կառավարության տան ճարտարապետը հենց ինքը՝ Թամանյանն է եղել, իսկ նրա մահից հետո՝ 1936 թ, հոր աշխատանքը 1952 թ․ ավարտին հասցրեց տղան՝ Գևորգ Թամանյանը: «Արմենիա Մարիոթ» հյուրանոցը նախագծել են Մարկ Գրիգորյանը և Էդվարդ Սարապյանը: ՀՀ Արտաքին Գործերի, Էներգետիկայի և Տարածքային կառավարման նախարարությունների շենքերը նախագծել են Սամվել Սաֆարյանը և Վարազդատ Արևշատյանը: Հրապարակի՝ Հայաստանի Պատմության Թանգարանի և Պատկերասրահի շենքը իր վերջնական տեսքը ստացավ 1975 թվականին ՝ Մարկ Գրիգորյանի նախագծով:
Ազգային պատկերասրահի շենքի առջև տեղակայված են երգող շատրվաններ, որոնց շնորհիվ Հանրապետության հրապարակը դարձել է երևանցիների սիրելի ժամանցի վայրերից մեկը. այստեղ հաճախ բացօթյա համերգներ են կազմակերպվում։ Շատրվանները վերանորոգվել են 2007-ին և համալրվել արդիական համակարգչային կառավարմամբ լուսաձայնային էֆեկտներով. շատրվաններն ասես «պարում են» երաժշտական նվագակցության ներքո, փոխվում են նաև գույները, իսկ ջրի շիթերից ստեղծված էկրանին հայտնվում են հոլոգրաֆիկ պատկերներ` ստեղծելով հիրավի զարմանահրաշ տեսարան:
ՀՅՈՒՍԻՍԱՅԻՆ ՊՈՂՈՏԱ
1 կմ
ՎԵՐՆԻՍԱԺ
1 կմ
ՀԱՅԱՍՏԱՆԻ ՊԱՏՄՈՒԹՅԱՆ ԹԱՆԳԱՐԱՆ
1 կմ
)
