Խոր Վիրապ

Խոր Վիրապը գտնվում է Արաքս գետի ձախ ափին։ Նրա պատմությունը սերտորեն կապված է Հայաստանում քրիստոնեությունը որպես պետական կրոն ընդունելու ժամանակահատվածի հետ։

Վիրապը օձերով, կարիճներով ու թունավոր միջատներով լի խորը փոս էր, ուր նետում էին դատապարտյալներին։ Ըստ պատմիչ Ագաթանգեղոսի՝ Տրդատ 3-րդ Մեծի հրամանով Գրիգոր Լուսավորչին նետում են Արտաշատի արքունական բանտի այս փոսը, որտեղ նա անցկացնում է մոտ 14 տարի։ Երբ արքան մահացու հիվանդանում է, Լուսավորիչն ազատ է արձակվում, բուժում նրան, եւ արքայի աջակցությամբ քրիստոնեությունը դառնում է պետական կրոն։

Վանական համալիրը բաղկացած է Սբ. Գրիգոր եւ Սբ. Աստվածածին եկեղեցիներից եւ վանք-ամրոցի լավագույն օրինակ է։ Ներկայիս Սբ. Գրիգոր եկեղեցին կառուցվել է 17-րդ դարում՝ 642 թվականին վիրապի վրա կառուցված եկեղեցու ավերակների վրա, իսկ անցքը, որից այրի կինը 14 տարի ամեն օր հաց էր նետում Լուսավորչին, գտնվում է վիրապի առաստաղի արեւելյան կողմում։

Այո, կարեւոր սրբատեղի լինելուց բացի՝ 13-րդ դարից Խոր Վիրապը դարձել է կրթության եւ գիտության կենտրոն, որտեղ սովորել են Վարդան Արեւելցին, Եսայի Նչեցին, Հովհաննես Երզնկացին, Ներսես Մշեցին եւ ուրիշներ։

Այո, ONE WAY Tour-ի՝ Երեւանից մեկնող տուրերն այցելում են Խոր Վիրապ․ դրանք ներկայացված են այս էջում։