Խոր Վիրապ, Նորավանք, Ջերմուկ, Արենի

Շատերը գիտեն, որ աշխարհի առաջին քրիստոնյա երկիրը Հայաստանն է։ Պաշտոնապես այն ընդունվել է 301 թվականին, երբ նախկինում այստեղ եղած մայրաքաղաքի բանտից՝ վիրապից, դուրս բերվեց Գրիգորը։ Նա այստեղ բանտարկված էր 13 տարի՝ իր քրիստոնեական հավատքի համար։ Հիվանդ արքայի վերջին հույսը լինելով՝ նա նրան բուժեց, ինչից հետո թագավորն ընդունեց քրիստոնեությունը որպես պետական կրոն։ Միաժամանակ, այստեղից է բացվում լավագույն տեսարանը դեպի Արարատ լեռ։ Շատ մոտ գտնվելը Արարատին հնարավորություն է տալիս տեսնել լեռան ամբողջ կառուցվածքը և հիանալ ողջ գեղեցկությամբ։

Միջնադարյան հայկական ճաշակն ու ճարտարապետական տաղանդը միավորվել են Նորավանքի մեջ։ Հիմնադրված լինելով 9-րդ դարում՝ այս վանքը իր զարգացմանն է հասնում 13-14-րդ դարերում։ Շրջապատված կարմրավուն գույնի բարձր լեռներով և կառուցված լինելով հենց ժայռերից վերցված քարից՝ Նորավանքը ներդաշնակ լրացնում է տեղի բնապատկերը՝ մնալով յուրահատուկ իր տեսակի մեջ։

Հասնելով Ջերմուկ, գնում ենք տեսնելու ջրվեժը։ 68-70 մետր բարձրությամբ «Ջրահարսի վարսեր» ջրվեժը պատմում է մեզ արգելված սիրո մասին լեգենդը, ըստ որի իր սիրեցյալին հանդիպելու համար իշխանն անիծում է իր դստերը, որը վերածվում է քարի, իսկ մազերը դեռ հոսում են ջրի տեսքով, ջրվեժն էլ ստանում է «Ջրահարսի վարսեր» անունը։

Ջրվեժից ոչ հեռու Երազանքների կամարն է։ Բնության այս գեղեցիկ հուշարձանն առաջացել է բնական ճանապարհով, եւ ստացել «Երազանքերի կամար» անունը։ Ասում են, որ եթե այս կամարի տակ կանգնես եւ երազանք պահես, այն անպայման կկատարվի։

Ճոպանուղին գործում է շուրջ 1 կմ երկարությամբ և բարձրանում է 2000 մետր բարձրության վրա՝ բացելով գեղեցիկ տեսարաններ դեպի քաղաքի բնությունը, լեռնային լանդշաֆտները և անտառները։ Ճոպանուղին հատկապես սիրված է զբոսաշրջիկների շրջանում՝ ինչպես ձմռանը՝ դահուկասահքի սիրահարների համար, այնպես էլ ամռանը՝ լեռնային մաքուր օդն ու տեսարանները վայելելու նպատակով։

• Ջերմուկ ճոպանուղու մուտքավճարը (1,500 AMD)

Տուրի վերջում մենք այցելում ենք գինեգործության կենտրոն Արենի գյուղ, որտեղ մեզ հյուրընկալում է Արենի գինու գործարանը։ Մեր հյուրերը կարող են համտեսել հայկական տարբեր տեսակի գինիներ, այդ թվում նաև Արենի տեսակի խաղողից ստացված։ Կտեսնենք նաեւ մառանը, որտեղ ամբարված են գինիները, իսկ վերեւի հարկում կարող եք օգտվել գեղեցիկ սրճարանից։