Քաղաք Ջերմուկ

Ջերմուկը Հայաստանի երեք առողջարանային քաղաքներից մեկն է եւ գտնվում է ծովի մակերեւույթից 2080 մ բարձրության վրա։ Արփա գետի կիրճը քաղաքը բաժանում է երկու մասի։

Ջերմուկի բուժիչ հանքային ջրերը հայտնի են եղել դեռ վաղուց եւ օգտագործվել են թե՛ հասարակ ժողովրդի, թե՛ Սյունաց իշխանների կողմից՝ տարբեր հիվանդությունների բուժման համար։ Քաղաքում կառուցված է հատուկ ըմպելասրահ, որտեղ հանքային ջուրը մատակարարվում է մի քանի ծորակներով՝ 30°-ից մինչեւ 50° ջերմաստիճանով։

Ըստ լեգենդի՝ մի որսորդ նետահարում է երիտասարդ եղնիկի, որը մեծ դժվարությամբ հասնում է Ջերմուկի հանքային աղբյուրներին, նետվում ջուրը եւ դուրս գալիս բոլորովին առողջ, իսկ հետո անհետանում անտառում։ Այդ օրվանից մարդիկ սկսում են տարածել ջրի բուժիչ հատկության գաղտնիքը։ Եղնիկը քաղաքի խորհրդանիշն է, եւ բարձր սարի գագաթին կանգնած է դեպի քաղաքը նայող հայտնի եղնիկի արձանը։

Ջերմուկն առաջին անգամ հիշատակվում է 13-րդ դարում՝ պատմիչ Ստեփանոս Օրբելյանի «Պատմություն նահանգին Սիսական» աշխատության մեջ։ Ներկայիս քաղաքի հիմքը դրվել է 1940 թվականին՝ առաջին առողջարանի կառուցմամբ։

Այո, ONE WAY Tour-ի՝ Երեւանից մեկնող տուրերն այցելում են Ջերմուկ․ դրանք ներկայացված են այս էջում։