Հերհեր Վանք

Դա Հերհեր գյուղի Սուրբ Սիոն անապատն է։ Նրա հիմնադրումն ու հետագա բարգավաճումը միջնադարյան Հայաստանի փոքր իշխանական տներից մեկի՝ Շահուռնեցիների գործունեության արդյունքն է։

Իբրև հոգևոր կենտրոն կառուցված համալիրն այդպիսին է մնացել մինչև 14-րդ դարը։ 600 տարի իշխանների ուշադրության կենտրոնում գտնվող վանքը ստացել է բազմաթիվ նվերներ։

Սուրբ Աստվածածին եկեղեցու վրա պահպանված արձանագրությունից պարզ է դառնում, որ երկրորդ եկեղեցին կառուցվել է 1283 թվականին։ 1349 թվականին հենց այստեղ Վահան Գրիչն ընդօրինակել է Ավետարանը։

Անապատի շրջակայքում կան խաչքարեր։ Ինչպես Վայոց ձորի շատ վանքերում, այստեղ էլ կա «Ճանկող արծիվ» բարձրաքանդակը։