Սևանավանք

Սեւանավանքի հիմնադրումը թվագրվում է 305 թվականով․ ըստ ավանդության՝ այն հիմնադրել է Գրիգոր Լուսավորիչը՝ մեհյանի տեղում կանգնեցնելով փայտակերտ խաչ։ Վանքը հայտնի է նաեւ «Մարիամաշեն» անունով, քանի որ եկեղեցիներից մեկի արձանագրության համաձայն՝ այն հիմնադրել է Մարիամ իշխանուհին 874 թվականին։

Սեւանավանքը բաղկացած է եղել չորս եկեղեցուց, գավթից եւ օժանդակ շինություններից, սակայն այժմ կանգուն են միայն երկու եկեղեցիները, որոնք կառուցվել են 874 թվականին։ Առաքելոց եկեղեցում է գտնվում Սեւանավանքի Ամենափրկիչ խաչքարը, որը, ըստ արձանագրության, կերտվել է 1653 թվականին Տրդատ Կազմողի կողմից։

Սեւանավանքը կառուցվել է Սեւանա լճի կղզու վրա, սակայն 20-րդ դարում լճի ջրի մակարդակն այնքան է իջել, որ կղզին վերածվել է թերակղզու։

Սեւանավանքը միջնադարյան Հայաստանի նշանավոր ամրոցներից էր․ 921 թվականին այստեղ Աշոտ Բ Երկաթ թագավորը կարեւոր ճակատամարտ է մղել արաբական զորքերի դեմ։ Մոնղոլական եւ լենկթեմուրյան արշավանքների ժամանակ վանքը բազմիցս թալանվել ու ավերվել է։

Այո, ONE WAY Tour-ի՝ Երեւանից մեկնող տուրերն այցելում են Սեւանավանք․ դրանք ներկայացված են այս էջում։