Սևանի ազգային պարկ

Սեւան ազգային պարկը ստեղծվել է 1978 թվականին, գտնվում է ՀՀ Բնապահպանության նախարարության իրավասության ներքո։ Ազգային պարկը ստեղծվել է լճային էկոհամակարգի, ձկնատեսակների, բույսերի եւ կենդանիների էնդեմիկ տեսակների պահպանության նպատակով: Հանդիպող թռչնատեսակներից են հայկական որորը, կարմիր բադը, խայտաբադը, սեւ փարփարը, կարմրակտուց սուզաբադը, սպիտակապոչ արծիվը, ճահճային ճուռակը եւ այլն: Ազգային պարկում հանդիպում են կենդանական աշխարհի մյուս խմբերից սողունների, երկկենցաղների եւ կաթնասունների բազմաթիվ տեսակներ: Ազգային պարկի տարածքը հարուստ է նաեւ պատմամշակութային հուշարձաններով, որոնք են Սեւանավանքը, Հայրավանքը, Վանեվանքը, Նորատուսի խաչքարադաշտը եւ այլն: