Օրբելի եղբայրների Տուն-Թանգարան

Մարզ

Կոտայք

Հեռավորությունը Երևանից

56.2 Կմ

Տեսակ

Թանգարան

1972 թվականին այն տունը, որտեղ ծնվել էր Լեւոն Օրբելին, վերածվեց Օրբելի եղբայրների տուն-թանգարանի։ Թանգարանն ընդգրկված է Ծաղկաձորի պատմության եւ մշակույթի անշարժ հուշարձանների ցանկում եւ այսօր հանդիսանում է կարեւոր կենտրոն, որտեղ այցելուները կարող են ծանոթանալ Օրբելի եղբայրների գիտական եւ հասարակական գործունեությանը։ Թանգարանն ունի հարուստ հավաքածու՝ շուրջ 2000 ցուցանմուշ, որոնց թվում են գրքեր, ձեռագրեր, լուսանկարներ, անձնական իրեր, փաստաթղթեր, ինչպես նաեւ կենցաղային առարկաներ։ Թանգարանը բաղկացած է երկու բաժնից՝ գիտական եւ հուշային։ Գիտական բաժնում ներկայացված են եղբայրների կատարած կարեւոր գիտական աշխատանքները, իսկ հուշասրահում այցելուները կարող են տեսնել նրանց անձնական իրերը՝ գրասեղան, բազկաթոռ, գաղտնապահարան, գրքեր ու ձեռագրեր, եւ այլ իրեր, որոնք վկայում են Օրբելի ընտանիքի մշակութային ժառանգության եւ ազդեցության մասին։