Սևանա Լիճ

Սևանը Հայաստանի ամենախոշոր լիճն է և Հայկական լեռնաշխարհի երրորդ խոշոր լիճը՝ Վանա և Ուրմիա լճերից հետո։ Այն նաև երկրագնդի քաղցրահամ ջուր ունեցող երկրորդ բարձրադիր լիճն է՝ Հարավային Ամերիկայի Տիտիկակա լճից հետո։

Լճի երկարությունը 70 կմ է, առավելագույն լայնությունը՝ 55 կմ, և այն բաժանված է երկու մասի՝ Մեծ և Փոքր Սևանների։ Լիճ է թափվում 28 գետ, իսկ սկիզբ է առնում միայն մեկը՝ Հրազդանը։ Սևանը շրջապատված է Գեղամա, Վարդենիսի, Արեգունու և Սևանի լեռներով։

Ըստ ավանդության՝ վանեցիները գաղթելով հասել են Սևանի ափերը, որոշել, որ սա էլ մի Վան է, և հաստատվել այստեղ։ Սակայն ցուրտ ու դաժան կլիման ստիպել է նրանց հիշել հայրենի մեղմ ու տաք բնությունը, և նրանք դառնորեն բացականչել են․ «Սև Վա՜ն եկավ մեր գլխին, սև Վա՜ն»․ այսպես է առաջացել լճի անունը։ Հնում լիճը հայտնի է եղել նաև Գեղամա կամ Գեղարքունյաց ծով անուններով։

Խորհրդային իշխանության տարիներին լճի մակարդակը զգալիորեն իջել է, ինչը հանգեցրել է տարածաշրջանում էկոլոգիական խնդրի։ Ջրի մակարդակը վերականգնելու նպատակով կառուցվել են Արփա-Սևան և Որոտան-Արփա ջրատարները, իսկ 1978 թվականին ստեղծվել է Սևան ազգային պարկը։

Այո՛, ONE WAY Tour-ի՝ Երևանից մեկնող տուրերը կանգ են առնում այստեղ․ դրանք ներկայացված են այս էջում։