Բլոգ
7 ՏԵՍԱՐԺԱՆ ՎԱՅՐԵՐ ԱՂՎԵՐԱՆՈՒՄ ԵՎ ՆՐԱ ՇՐՋԱԿԱՅՔՈՒՄ
Աղվերանը խորհրդային տարիներին դարձել էր սիրված հանգստյան գոտի: Տեղական գեղատեսիլ բնության և բյուրեղային մաքուր օդի գեղեցկությունը թույլ է տալիս փախչել առօրյա կյանքից և քաղաքի թոհուբոհից: Աղվերանը կատարյալ վայր է նրանց համար, ովքեր նախընտրում են պասիվ հանգիստ բնության գրկում: Այսօր Աղվերանը շարունակում է մնալ հանրաճանաչ զբոսաշրջային վայր: Քաղաքն ունի ժամանակակից հյուրանոցներ, որտեղ կարող եք անցկացնել արձակուրդը առավել հարմարավետ պայմաններում: Ո՞ր հիմնական տեսարժան վայրերը արժե տեսնել Աղվերան ժամանելիս:
1. Ծաղկունյաց լեռներ
Իհարկե, Աղվերանի հիմնական գրավչությունը նրա գրեթե չմշակված, կույս բնությունն է: Ծաղկունյաց լեռները տեղակայված են հանգստավայրի հարևանությամբ, ինչը յուրահատուկ գեղեցկությամբ համեմում է բնապատկերը: Տաք սեզոններին լանջերը պատված են առատ ալպիական բուսականությամբ, իսկ ցուրտ ժամանակաշրջանում ձյունառատ գլխարկը պսակում է լեռան գագաթը:
2. Ծաղկունյաց լիճ
Շքեղ լեռնային լիճը տեղակայված է Ծաղկունյաց լեռնաշղթայում ՝ 2450 մ բարձրության վրա: Եզակի լճակը սնուցվում է միայն ձյան հալոցքներով և անձրևաջրերով: Ծաղկունյաց լճի ջուրն այնքան մաքուր և թափանցիկ է, որ պարզ ու անամպ օրերին հնարավոր է տեսնել ավազանի հատակին գտնվող յուրաքանչյուր քար:
3. Հանքային ջրեր
Աղվերանի մեկ այլ գրավիչ պայմաններից է հանքային ջրերը, որոնք հին ժամանակներից հայտնի են իրենց բուժիչ հատկություններով: Այսպիսով, հանգիստն ու բուժումը այստեղ հնարավոր է համադրել: Հանքային ջրերը, ինչպես նաև ջերմային լոգանքները հաջողությամբ օգտագործվում են աղեստամոքսային տրակտի հիվանդությունների, կանացի խնդիրների և տարբեր տեսակի ալերգիաների կանխարգելման համար:
4. «Պարկ Ռեզորտ Աղվերան»
Այս հյուրանոցը նույնպես կարելի է համարել իր տեսակի մեջ տեսարժան վայր: Այն գտնվում է քաղաքի տարածքում, բայց միևնույն ժամանակ շրջապատված է խիտ անտառային բուսականությամբ: Այստեղ հայտնվելով՝ Ձեզ մոտ կձևավորվի տպավորություն, որ բնության այս գողտրիկ անկյունը գտնվում է ժամանակակից քաղաքակրթությունից շատ հեռու:
5. «Արթուրս Աղվերան Ռիզորթ»
Մեկ այլ յուրահատուկ հյուրանոց, որն կատարյալ է ինչպես ընտանեկան, այնպես էլ գործարար ժամանցի համար: «Արթուրս Աղվերան Ռիզորթ»- ը տեղակայված է Ծաղկունյաց լեռնաշղթայի լանջերից մեկի վրա. սենյակների պատուհաններից և պատշգամբներից բացվում է զարմանահրաշ տեսարան: Ի դեպ, ձմռանը Աղվերանը հիանալի վայր է լեռնադահուկային սպորտով զբաղվելու համար:
6. «Պանդա Պարկ»
«Պանդա Պարկ»-ը հիանալի վայր է ընտանիքի կամ ընկերների հետ բացօթյա ակտիվ հանգստի համար: Արկածային պարկը նախատեսված է ֆիզիկական պատրաստվածության տարբեր մակարդակների համար հյուրերի համար` սկսնակներից մինչև փորձառու մարզիկներ: Այստեղ անցկացրած ժամանակը, անշուշտ, Ձեզ կպարգևի անմոռանալի զգացողություններ և վառ հիշողություններ:
7. Մոտակա տեսարժան վայրեր
Աղերանի մեկ այլ առավելություններից է մայրաքաղաքին և Հայաստանի այլ նշանակալի վայրերին մոտ գտվելը: Երևան հնարավոր է հասնել ընդամենը մեկ ժամվա ընթացքում, այնպես որ ձանձրանալու դեպքում միշտ կարող եք այցելել մայրաքաղաքի թանգարանները կամ պարզապես զբոսնել քաղաքի փողոցներով: Աղվերանից կարող եք նաև հեշտությամբ հասնել Սևանա լիճ, տեսնել շքեղ Սևանավանքը և հանգստանալ ավազային լողափում:
