Նրանց համար, ովքեր հասկանում են լավ գինիների կարևորությունը և հետաքրքրված են հնագույն ճարտարապետության պատմությամբ, հայկական փոքրիկ Արենի գյուղն իրական դրախտ է: 2009 թվականից այստեղ կազմակերպվում է «Արենի» գինու ամենամյա փառատոնը այն անցկացվում է աշնանը։ Այցելուներին հնարավորություն է ընձեռվում համտեսել «Արենի» գինու գործարանի արտադրության բարձրորակ գինիները։ Գործարանը ստեղծվել է 1994 թ․-ին։ Յուրաքանչյուրը կարող է այցելել գինեգործարան, որտեղ էքսկուրսավարները ներկայացնում են այցելուներին թանկարժեք ըմպելիքը պատրաստելու գործընթացը: Դժվար է անտարբեր մնալ տեղական գինու յուրահատուկ համի նկատմամբ։
Լավ զարգացած ճանապարհատրանսպորտային պայմանները հնարավորություն են տալիս հասնել Արենի գինու գործարան անձնական մեքենայով կամ օգտվելով տարբեր տուրիստական ընկերությունների ծառայություններից, որոնք առաջարկում են կանոնավոր տուրեր դեպի Հայաստանի տարբեր տեսարժան վայրեր։ Արենի գինու գործարանի աշխարհագրական դիրքի շնորհիվ ճանապարհը երկար չի թվա:
Հաճելի կլիմայական պայմանների շնորհիվ տուրիստական բարձր սեզոնը Հայաստանում բավականին երկար է տևում: Մարտից մինչև խոր աշուն օրերը տաք են, ձմեռը սովորաբար երկար չի տևում: Տեղումների արտահայտված սեզոնը փոփոխական է: Դեպի Արենի գինու գործարան տուրերի սեզոնայնությունը կախված է եղանակային պայմաններից:
Արենի գինու գործարանը հիմնադրվել է Սիմոնյանների ընտանիքի նախաձեռնությամբ: Նրանց համար նպատակ էր դարձել, Արենի պատմական գյուղում նախնիների գինու պատրաստման ավանդույթները պահպանելու և հարստացնելու հետ մեկտեղ, տարբեր տեսակի բարձրորակ գինի ստեղծել, ինչն էլ խթան հանդիսացավ, որ կարճ ժամանակահատվածում ընտանիքը մեծ հաջողությունների հասավ։
Պատմականորեն, Արենի գյուղը համարվում է հայկական գինեգործության «օրրան»: Այստեղ է մշակվում խաղողի հնագույն տեսակներից մեկը, որն օգտագործվում է գինիների արտադրության մեջ և կրում հենց «Արենի» անվանումը: Այս վայրի մասին հյուսված լեգենդների որոշ իրողություններ ապացուցվել են որպես իրական դեպքեր, ինչի մասին վկայում են հնագիտական գտածոները. Արենիի քարանձավներից մեկում («Թռչունների քարանձավում») հայտնաբերվել է գինու պատրաստման համար նախատեսված խաղողի ճմլարանը, որի տարիքը գնահատվում է մոտ 6000 տարի:
Նախքան հայկական ազգային գինի դառնալը խաղողը երկար ճանապարհ է անցնում: Հումքի որակը շատ կարևոր է նուրբ գինու արտադրության համար, իսկ բարձրորակ խաղողի ձեռքբերման առաջնային հանգամանքներից մեկը դրա ճիշտ մշակումն է, որն անցնում է մի քանի փուլով ՝ գարնանից մինչև աշուն: Խաղողի բերքահավաքը սկսվում է սեպտեմբերի կեսին։
ԱՐԵՆԻ ՍՈՒՐԲ ԱՍՏՎԱԾԱԾԻՆ ԵԿԵՂԵՑԻ
2 կմ
ՆՈՐԱՎԱՆՔ ՎԱՆԱԿԱՆ ՀԱՄԱԼԻՐ
20 կմ
ՀԵՐՄՈՆԻ ՎԱՆՔ
47 կմ