Հայերեն
English
Русский
Français
Español
Deutsch
Italiano
العربية
中文
हिन्दी
Polski
Հայաստանի տեսարժան վայրերը Տավուշ
Մակարավանք
- ՄարզՏավուշ
- Հեռավորությունը Երևանից153.6 կմ
- ՏեսակՎանք/եկեղեցի
Տավուշ
Վայրի մասին
Մակարավանքը 13-րդ դարի հայկական վանական համալիր է, որը գտնվում է Տավուշի մարզի Աչաջուր գյուղից 3 կմ հարավ-արեւմուտք՝ Պայտաթափ լեռան ստորոտին: Մակարավանքը շատ կարեւոր տեղ է գրավում հայ կրոնական ճարտարապետության մեջ՝ իր զարդաքանդակների ինքնատիպությամբ, հարստությամբ ու բազմազանությամբ՝ դասվելով Աղթամարի, Բղենո-Նորավանքի, Գանձասարի շարքին։
Մակարավանքը բաղկացած է հին եկեղեցուց, գլխավոր եկեղեցուց, գավթից, Աստվածածին եկեղեցուց, նշխարատնից, մատուռից, աղբյուրից, պարիսպներից, գերեզմանոցից, բնակելի եւ օժանդակ շինություններից։
Համալիրի գլխավոր եկեղեցին, ըստ նրա կողքին կանգնեցված խաչքարի արձանագրության, կառուցվել է 1205 թվականին։ Արտաքինից ուղղանկյուն, ներսից խաչաձեւ, խորանի երկու կողմերում երկհարկ ավանդատներով գմբեթավոր հորինվածքով եկեղեցի է։
Երկրորդ եկեղեցին համալիրի հյուսիս-արեւելքում է եւ կառուցվել է 10-11-րդ դարերում։
Սբ. Աստվածածին եկեղեցին կառուցվել է արեւելյան մասում է՝ 1198 թվականին։
Վանական համալիրը ներառում է նաեւ 1207 թվականին կառուցված գավիթը եւ 13-րդ դարի նշխարատունը։
Հետաքրքիր
Փաստեր՝ Մակարավանք
-
Մի ավանդության համաձայն, 8-րդ դարում վանքի տեղում եղել է միայն մի փոքր եկեղեցի: Վարպետ Մակարն ու նրա որդին սկսում են եկեղեցու շուրջ վանք կառուցել: Որդին զբաղվում էր քարերը տաշելով ու նախշելով, իսկ հայրը շարում էր պատերը: Վարպետ Մակարն տարվել իր գործով, եւ նույնիսկ ապրում էր ու գիշերում վանքի կիսավարտ պատերի վրա։ Միայն տարիներ անց է վարպետը նկատում, որ քարերն իրար չեն բռնում, իսկ զարդաքանդակներն էլ նույնը չեն։ Նա վերեւից կանչում է որդուն՝ հարցնելու, թե ինչ է պատահել, պատասխանում են, որ նա հիվանդ է, սակայն Մակարը հասկանում է, որ որդին այլեւս չկա: Մակարը, ավարտին հասցնելով վանքի կառուցումը, իրեն ցած է նետում եկեղեցուց: Նրան թաղում են վանքի պատի տակ եւ վանքն անվանում Մակարավանք։
-
Գլխավոր եկեղեցու հարավային պատի լուսամուտի տակ աչքի է ընկնում մագիլներում ցուլ բռնած արծվի բարձրաքանդակը, ինչը Վաչուտյան իշխանական տան զինանշանն է։
-
Հայկական միջնադարյան արվեստի գլուխգործոցներից են գլխավոր եկեղեցու բեմի ճակատի քանդակազարդերը, մարդու գլխով առասպելական կենդանիները, գալարվող ձկները, գործիքները ձեռքին մարդու կերպարանքը՝ «Երիտասարդ» մակագրությամբ.
Եղանակ՝ Տավուշ
Հաճելի կլիմայական պայմանների շնորհիվ տուրիստական բարձր սեզոնը Հայաստանում բավականին երկար է տևում: Մարտից մինչև խոր աշուն օրերը տաք են, ձմեռը սովորաբար երկար չի տևում: Տեղումների արտահայտված սեզոնը փոփոխական է: Դեպի Մաքրավանք տուրերի սեզոնայնությունը կախված է եղանակային պայմաններից:
Տավուշ
Պլանավորեք այցելությունը
Հասցե
4006, Armenia
Տավուշ
Տեսարժան վայրեր Մոտակայքում՝ Մակարավանք
ONE WAY TOUR
Ամրագրել անհատական տուր
Ամենօրյա խմբային և անհատական տուրեր ու տրանսֆերներ Հայաստանում և Վրաստանում։