Իջևանի Գինու Գործարան

Իջեւանի գինու, կոնյակի գործարանը, որը Հայաստանի առաջին գինեգործարաններից է, հիմնադրվել է 1951 թվականին Տավուշի մարզի Իջեւան քաղաքում։ Վերջին տարիների ընթացքում գործարանում արտադրությունն էապես աճել է՝ ծավալած ակտիվ գործունեության շնորհիվ։ Այժմ գործարանն իր ապրանքատեսականին մեծացրել է՝ հասցնելով շուրջ երեսուն տեսակի: Գործարանն արտադրում է բարձրորակ կոնյակներ, խաղողի եւ մրգային գինիներ, փրփրուն գինի, օղիներ, հյութեր եւ պահածոների մեծ տեսականի: Գործարանի գինիներից առավել հայտնի են «Մխիթար Գոշ», «Սարգոն», «Իջևան կարմիր», «Իջևան սպիտակ», «Արենի», «Իջևան ընտրովի», «Սափոր» եւ այլ խաղողի գինիները։