Գոշավանք Վանական Համալիր

Մխիթար Գոշի անունը կրող Գոշավանքը գտնվում է Տավուշի մարզում՝ Գետիկ գետի աջ ափին, Դիլիջանից 15 կմ հեռավորության վրա։

1188 թվականին Մխիթար Գոշը Իվանե Զաքարյանի օգնությամբ սկսում է վանական համալիրի կառուցումը։ Նախկինում մոտակայքում եղել է Գետիկ վանքը, որն ավերվել էր երկրաշարժից։ Գոշը նոր վանքն անվանում է Նոր Գետիկ, սակայն նրա մահից՝ 1213 թվականից հետո, այն կոչվում է Գոշավանք։

Համալիրը բաղկացած է Սբ. Աստվածածին եկեղեցուց, ժամատնից, Սբ. Գրիգոր եւ Լուսավորիչ եկեղեցիներից, Սբ. Հռիփսիմե փոքր եկեղեցուց, գրատուն-զանգակատնից, Մխիթար Գոշի բնակարանից ու դամբարանից։ Այն զարդարում են Պողոս վարպետի կերտած խաչքարերը, որոնցից մեկը Սբ. Գրիգոր Լուսավորիչ եկեղեցու բակում է․ դրանք այնքան նրբորեն են կերտված, որ կոչվում են «ասեղնագործ»։

13-րդ դարում Գոշավանքը Հայաստանի կրոնական ու մշակութային խոշոր կենտրոններից էր, որտեղ դասավանդում էին հայոց ու օտար լեզուներ, քերականություն, փիլիսոփայություն, ճարտասանություն, երաժշտություն, գրչություն, արվեստ ու նկարչություն։ Հենց այստեղ առաջին անգամ իրավագիտությունն ուսումնասիրվել է որպես առանձին ուղղություն, իսկ Գոշավանքում կրթություն է ստացել ու գործել Կիրակոս Գանձակեցին։

Այո, ONE WAY Tour-ի՝ Երեւանից մեկնող տուրերն այցելում են Գոշավանք․ դրանք ներկայացված են այս էջում։