Իջևանի պատմաերկրագիտական թանգարան

Թանգարանը հիմնադրվել է 1955 թվականին և այցելուների համար գործում է 1997 թվականից։ Այն ունի հինգ ցուցասրահ և տեղեկատվական, բնության, հնագիտության, ազգագրության և «Մեր հերոսներ» բաժիններ։

Թանգարանում ներկայացված են մ.թ.ա. 3–2-րդ հազարամյակներով թվագրվող իրեր, ինչպես նաև ուրարտական ժամանակաշրջանի նմուշներ։

Բակի թնդանոթներից մեկը պատրաստվել է 1906 թվականին Պետերբուրգում և մասնակցել Առաջին համաշխարհային պատերազմին ու հեղափոխական կռիվներին, իսկ մյուսը պատրաստվել է 1927 թվականին Եկատերինբուրգում և մասնակցել Երկրորդ աշխարհամարտին։ Այստեղ կարելի է տեսնել նաև Սարգիս Կասյանին պատկանած աշխատանքային իրեր և այն ռադիոընդունիչը, որը Իոսիֆ Ստալինը նվիրել է Բեռլին առաջինը մտած տանկիստին։

1992 թվականին Իջևանի պատմաերկրագիտական թանգարանից շուրջ 1600 ցուցանմուշ տեղափոխվեց Սարդարապատի հերոսամարտի և Երևանի հեղափոխության թանգարաններ։