Թռչկանի Ջրվեժ

Թռչկանի ջրվեժը գտնվում է Շիրակի և Լոռու մարզերի սահմանին՝ Փամբակ գետի ձախակողմյան վտակ Չիչկան գետի վրա։ Չիչկանը սկիզբ է առնում Շիրակի լեռնաշղթայի հյուսիս-արևելյան լանջերից՝ 2250 մ բարձրությունից, և ունի 29 կմ երկարություն։

Մոտ 25 մ բարձրությամբ Թռչկանը Հայաստանի ամենաբարձր և ջրառատ ջրվեժն է։ Տեղացիներն այն անվանում են նաև Չռան։

Չիչկան գետը հարուստ է եղել կարմրախայտով, որը ձվադրման շրջանում լողում է հոսանքին հակառակ։ Ականատեսները պատմում են, որ կարմրախայտերը թռչում էին մոտ 25 մ բարձրություն ունեցող ջրվեժի վրայով, և այդպես էլ ձևավորվել է ջրվեժի անունը։

Այո։ Թռչկանի ջրվեժը 2008 թվականից բնական հուշարձանների ցանկում է, իսկ 2011 թվականից տարածքը սահմանվել է որպես հատուկ պահպանվող գոտի։ 2011 թվականին ջրվեժը հայտնվեց ուշադրության կենտրոնում, երբ որոշվեց դրանից վերև ՀԷԿ կառուցել, սակայն քաղաքացիների միասնական պայքարի շնորհիվ շինարարությունը կասեցվեց։