Թռչկանի ջրվեժ

Թռչկանի ջրվեժը Հայաստանի գեղատեսիլ ջրվեժներից է։ Այն գտնվում է Շիրակի եւ Լոռու մարզերի սահմանին՝ Չիչկան գետի վրա, որը Փամբակ գետի ձախակողմյան վտակն է։ Չիչկանը սկիզբ է առնում Շիրակի լեռնաշղթայի հյուսիս-արեւելյան լանջերից՝ 2250 մետր բարձրությունից, եւ ունի 29 կմ երկարություն։ Մոտ 25 մետր բարձրությամբ Թռչկանը Հայաստանի ամենաբարձր եւ ամենաջրառատ ջրվեժն է, իսկ տեղացիներն այն անվանում են նաեւ Չռան։ Ջրվեժը համազգային ուշադրության կենտրոնում հայտնվեց 2011 թվականին, երբ որոշում ընդունվեց դրանից վերեւ ընկած հատվածում ՀԷԿ կառուցել, սակայն քաղաքացիների միասնական պայքարի շնորհիվ շինարարությունը կասեցվեց։ Ճանապարհորդներն այստեղ գալիս են՝ Հայաստանի ամենաբարձր ջրվեժը սեփական աչքերով տեսնելու։ Տեսեք Թռչկանի ջրվեժը ONE WAY Tour ընկերության հետ տուրի ընթացքում։