Հաղպատի վանական համալիր

Լոռու մարզում գտնվող Հաղպատի վանական համալիրը հիմնադրվել է 976 թվականին՝ Բագրատունի Աշոտ 3-րդի օրոք, գյուղի հարավարեւելյան բարձրադիր մասում։ Գլխավոր եկեղեցին՝ Սբ. Նշանը, կառուցել է Խոսրովանույշ թագուհին 970-991 թվականներին, իսկ նրա որմնանկարներից պահպանվել են Քրիստոսի պատկերը եւ ավետարանական տեսարաններ։ Համալիրում են նաեւ Մարիամ իշխանուհու կառուցած 13-րդ դարի գավիթը, Սբ. Գրիգոր եւ Սբ. Աստվածածին եկեղեցիները, գրատունը, որտեղ պահպանվել եւ վերագրվել են հին ձեռագրեր, սեղանատունը եւ կամարածածկ տապանատները։ Ամենանշանավոր կառույցը եռահարկ զանգակատունն է, որն աչքի է ընկնում ճարտարապետական ներդաշնակությամբ եւ սլացիկությամբ։ Ճանապարհորդներն այստեղ գալիս են՝ տեսնելու համալիրի եկեղեցիները, որմնանկարները, զանգակատունը եւ հանրահայտ Ամենափրկիչ խաչքարը։ Այցելեք Հաղպատի վանական համալիրը ONE WAY Tour ընկերության հետ տուրի ընթացքում։