Ամբերդ

Ամբերդը՝ Արագածոտնի մարզում, Հայաստանի միջնադարյան ամենանշանավոր բերդաքաղաքներից է։ Այն կանգնած է Արագած լեռան հարավային լանջին, Բյուրական գյուղից մոտ 7 կմ հյուսիս-արեւմուտք, Արքաշեն եւ Ամբերդ գետերի միախառնման եռանկյունաձեւ հրվանդանի վրա, իսկ շուրջը ձգվող խոր կիրճերը բնական պաշտպանություն են ստեղծում։ Ամբերդի հիմնադրման ստույգ ժամանակն անհայտ է, սակայն հնագիտական ուսումնասիրությունները վկայում են, որ ամրոցը կառուցվել է 9-13-րդ դարերում։ 10-րդ դարում այն պատկանել է Պահլավունի իշխաններին եւ դարձել Բագրատունյաց Հայաստանի պաշտպանական կարեւոր հենակետերից մեկը, հետագայում անցել է Զաքարյաններին, ապա Վաչուտյաններին, որոնք այն դարձրել են վարչական կենտրոն։ Ճանապարհորդներն այստեղ գալիս են տեսնելու դղյակը, բաղնիքը, 10-րդ դարի մատուռը, բարձր ու հաստ պարիսպները եւ Կաթողիկե Վահրամաշեն եկեղեցին, որը կառուցվել է 1026 թվականին Վահրամ Պահլավունու հովանավորությամբ՝ ամրոցի կենտրոնական բարձրադիր մասում։ Տեսեք Ամբերդը ձեր աչքերով ONE WAY Tour-ի հետ տուրի ընթացքում։