Թռչկանի Ջրվեժ

Հայաստանի գեղատեսիլ ջրվեժներից մեկը՝ Թռչկանի ջրվեժը, գտնվում է Շիրակի եւ Լոռու մարզերի սահմանին՝ Փամբակ գետի ձախակողմյան վտակ Չիչկան գետի վրա։ Չիչկան գետը սկիզբ է առնում Շիրակի լեռնաշղթայի հյուսիս-արեւելյան լանջերից 2250 մետր բարձրությունից, ունի 29 կմ երկարություն։ Մոտ 25 մ բարձրությամբ այս բնության գեղեցիկ ստեղծագործությունը ՀՀ ամենաբարձր եւ ջրառատ ջրվեժն է։ Տեղացիները ջրվեժն անվանում են նաեւ Չռան։ Ջրվեժը բոլորի ուշադրության կենտրոնում հայտնվեց 2011 թվականին, երբ որոշում ընդունվեց ջրվեժից վերեւ ընկած հատվածում ՀԷԿ կառուցել։ Բարեբածտաբար քաղաքացիների միախմբված պայքարի շնորհիվ կասեցվեց ՀԷԿ-ի շինարարությունը։