Մատենադարան

Մատենադարանը Հայաստանում առաջին գիտահետազոտական հաստատությունն է՝ ստեղծված 1921 թվականին Էջմիածնի ձեռագրատան հիմքի վրա։ 1959 թվականին այն վերածվել է Հին ձեռագրերի գիտահետազոտական ինստիտուտի, իսկ 1962 թվականին անվանակոչվել է հայոց գրերը ստեղծող Մեսրոպ Մաշտոցի անունով։

1939 թվականին Մատենադարանն Էջմիածնից տեղափոխվեց Երևան և տեղավորվեց Հանրային գրադարանի շենքում։ Նրա շենքի կառուցումը ճարտարապետ Մարկ Գրիգորյանի նախագծով սկսվել է 1945-ին և ավարտվել 1957-ին, իսկ 2007–2011 թվականներին գլխավոր ճարտարապետ Արթուր Մեսչյանի գլխավորությամբ կառուցվել է նոր մասնաշենքը։

Մատենադարանում է գտնվում հայկական ամենամեծ գիրքը՝ «Մշո Ճառընտիրը», որը կշռում է 28 կգ, և ամենափոքրը՝ ընդամենը 190 գ կշռով։

Միջնադարում կատարված հայերեն թարգմանությունները կորստից փրկել են բազում բնագրեր, որոնք չեն պահպանվել մայր լեզուներով։