Կասկադ Համալիր

Կասկադ համալիրի նախագիծը դեռևս 1924 թվականին ընդգրկված էր խորհրդային Երևանի գլխավոր հատակագծում։ Ճարտարապետ Ալեքսանդր Թամանյանը Կասկադով ցանկանում էր իրար կապել քաղաքի կենտրոնական և հյուսիսային հատվածները։ Նախագիծն իրականացվեց 1970-ական թվականներին՝ Երևանի գլխավոր ճարտարապետ Ջիմ Թորոսյանի օրոք, իսկ 2002–2009 թվականներին այն զարգացրեց ամերիկահայ գործարար և բարերար Ջերարդ Գաֆէսճեանը։

Կասկադն ունի 572 աստիճան։ Հիմքից մինչև վերին հարթակ երկարությունը 450 մ է, լայնությունը՝ 50 մ, իսկ չավարտված հատվածի բարձրությունը՝ 78 մ։

Համալիրը երևանցիների շրջանում հայտնի է Կասկադ անունով, քանի որ խորհրդային տարիներին այստեղ էր գտնվում հին կասկադը՝ փոքր ջրվեժով և ձկների գունավոր խճանկարով։

Համալիրի ներսում է գտնվում Գաֆէսճեան արվեստի կենտրոնը (ԳԱԿ), որի նպատակն է Հայաստանում ներկայացնել ժամանակակից արվեստի յուրօրինակ ստեղծագործություններ և աշխարհին ցուցադրել հայկական մշակույթի լավագույն նմուշները։