Գոշ լիճը տեղակայված է Դիլիջանի արգելոցի սրտում: Լիճն իր անունը ստացել է հայ գրող և հասարակական գործիչ Մխիթար Գոշի անունից: Բնության այս հրաշալիքը, անտառի մեջ ծվարած գանձը սիրված վայր է դարձրել ինչպես զբոսաշրջիկների, այնպես էլ տեղացիների համար։ Այստեղ հաճախ գալիս են քաղաքային եռուզեռից հանգստանալու համար: Գոշ լճի բնությունը հատկապես հիասքանչ է վաղ աշնանը․ երբ եղանակը չոր և արևոտ է, իսկ ծառերը արդեն իրենց ոսկեզօծ զգեստները հագած՝ նազանքով, մեղմ «պարում» են և արտացոլվում լճի հայելու մեջ։ Ի դեպ, լճից ոչ հեռու կան բազմաթիվ տեսարժան վայրեր, որոնք հնարավոր է այցելել նույնիսկ զբոսնելով:
Լավ զարգացած ճանապարհատրանսպորտային պայմանները հնարավորություն են տալիս հասնել Գոշի լիճ անձնական մեքենայով կամ օգտվելով տարբեր տուրիստական ընկերությունների ծառայություններից, որոնք առաջարկում են կանոնավոր տուրեր դեպի Հայաստանի տարբեր տեսարժան վայրեր։ Գոշի լճի աշխարհագրական դիրքի շնորհիվ ճանապարհը երկար չի թվա:
Հաճելի կլիմայական պայմանների շնորհիվ տուրիստական բարձր սեզոնը Հայաստանում բավականին երկար է տևում: Մարտից մինչև խոր աշուն օրերը տաք են, ձմեռը սովորաբար երկար չի տևում: Տեղումների արտահայտված սեզոնը փոփոխական է: Դեպի Գոշի լիճ տուրերի սեզոնայնությունը կախված է եղանակային պայմաններից:
Լճի ավազանի առավելագույն լայնությունը 80 մետր է, երկարությունը՝ 100 մետր: Լճի խորությունը հասնում է 8 մետրի, իսկ ծավալը՝ շուրջ 1500 խորանարդ մետր: Այնուամենայնիվ, տվյալներն միանշանակ ճշգրիտ չեն, քանի որ ջրամբարը մաքրելու համար ջրի մակարդակը արհեստականորեն իջեցրել է: Ներկայումս լիճը սնուցվում է անձրևաջրերով և բնական աղբյուրներով: Նույնիսկ շատ շոգ ժամանակ լճում ջրի ջերմաստիճանը հասնում է ընդամենը 14 աստիճանի:
ԳՈՇԱՎԱՆՔ ՎԱՆԱԿԱՆ ՀԱՄԱԼԻՐ
12.5 կմ
ՔԱՂԱՔ ԴԻԼԻՋԱՆ
34 կմ
ՊԱՐԶ ԼԻՃ
35 կմ