Գևորգ Չաուշի թանգարան

Գևորգ Չաուշը հայ ազգային-ազատագրական շարժման գործիչ էր, ֆիդայի։ Նրա տուն-թանգարանը գտնվում է Արագածոտնի մարզի Աշնակ գյուղում։

Թանգարանը ներկայացնում է Գևորգ Չաուշի կյանքն ու գործունեությունը։ Ցուցադրված են անվանի զորավարի անձնական իրերը և Հայաստանի 20-րդ դարասկզբի պատմական իրադարձությունները նկարագրող նյութեր։

Թանգարանը կառուցվել է 1980-ական թվականներին՝ Չաուշի զարմիկ Գևորգ Մելքոնյանի նախաձեռնությամբ, և նախագծել է ճարտարապետ Ռաֆայել Իսրայելյանը։ Այն ընդգրկված է Աշնակի պատմության և մշակույթի անշարժ հուշարձանների ցանկում։

2014 թվականին թանգարանի «ֆիդայատան» աշտարակին տեղադրվել է Հայոց արծվի քանդակը, որի հեղինակներն են ճարտարապետ Լևոն Մկրտչյանը և քանդակագործ Գևորգ Գևորգյանը։ Ըստ մտահղացման՝ արծիվը թռչում է դեպի Արևմտյան Հայաստան։