Սատանի Կամուրջ

Սատանի կամուրջը բնական ծագման քարե կամուրջ է, որը ձևավորվել է հազարավոր տարիների ընթացքում՝ լավային զանգվածների վրա ջրի և քամու անընդհատ ֆիզիկական ու քիմիական ազդեցության արդյունքում։ Նրա երկարությունը հասնում է 30 մետրի, իսկ լայնությունը՝ շուրջ 60 մետրի։

Սատանի կամուրջը գտնվում է Տաթևի վանքի ստորոտում, Որոտան գետի մոտ 500 մ խորությամբ կիրճում։

Կամրջի տարածքը զբոսաշրջիկներին գրավում է ոչ միայն անսովոր տեսքով, այլև բուժիչ հատկություններով հայտնի տաք աղբյուրներով։ Աղբյուրներից ցած կան մի շարք քարանձավներ, որոնք կարելի է տեսնել դեպի գետն իջնելիս․ դրանք մասամբ են հետազոտված և մինչ օրս պահպանում են իրենց խորհրդավորությունը։

Անվան ծագման մասին կան մի շարք վարկածներ։ Ոմանք այն կապում են կամրջի տակ ջրում խեղդվելու բազմաթիվ դեպքերի հետ, իսկ մեկ այլ վարկածի համաձայն՝ կամրջի տակ ավելի քիչ ջուր է մտնում, քան դուրս գալիս, ինչը պայմանավորված է վերևից եկող հանքային ջրերով։