Արտավազիկ Եկեղեցի

Արտավազիկ եկեղեցին գտնվում է Բյուրական գյուղից 1 կմ արևելք։ Այսօր եկեղեցին կիսավեր վիճակում է։

Եկեղեցին 7-րդ դարի կառույց է՝ կառուցված կարմիր ու սև տուֆից։ Այն պատկանում է միախորան փոքր եկեղեցիների տիպին և խաչաձև գմբեթավոր է։

Ենթադրվում է, որ եկեղեցին կրում է իր կառուցողի՝ Արտավազդի անունը։ Այն հայտնի է նաև Սբ. Հովհաննես և Սբ. Աստվածածին անուններով․ պատմական սկզբնաղբյուրներում եկեղեցու մասին հիշատակություններ չկան, իսկ վիմագիր արձանագրությունները չեն պահպանվել։

Այստեղ կտեսնեք 7-րդ դարի կիսավեր եկեղեցի, որն իր ինքնատիպությամբ ուրույն տեղ ունի հայ միջնադարյան եկեղեցական ճարտարապետության մեջ։ Հուշարձանի արևելյան կողմում կանգուն է 13-րդ դարի կոթող-խաչքարը։