Տաթևի վանք

ONE WAY Tour-ի այս տեսանյութը Տաթևի վանքի մասին է, որը գտնվում է Սյունիքի մարզի Տաթև գյուղում։ Միջնադարում վանքը դարձել է հոգևոր, մշակութային և քաղաքական կյանքի խոշոր կենտրոն։ Վանական համալիրի առաջին կառույցները կանգնեցվել են 4-րդ դարից՝ Հայաստանի քրիստոնեացման շրջանից, իսկ 844 թվականին վանքը պաշտոնապես հիմնադրել է Դավիթ եպիսկոպոսը։ 848 թվականին կառուցվել է Սբ. Գրիգոր Լուսավորիչ եկեղեցին, ապա՝ Սբ. Պողոս-Պետրոս եկեղեցին (895–906), որն առանձնանում է իր ծավալով, ճարտարապետությամբ և ներքին հարդարանքով։ Հարավային մուտքի դիմաց կանգնած է «Գավազանը»՝ յուրօրինակ հուշակոթող, որը շարժուն հիմքի շնորհիվ կարող էր ճոճվել։ 9–11-րդ դարերում վանքն ունեցել է շուրջ 500 միաբան, իսկ այստեղ գործող վարդապետարանը հետագայում վերածվել է համալսարանի։ Դիտեք տեսանյութը, ապա այցելեք Տաթևի վանք ONE WAY Tour-ի հետ տուրի ընթացքում։