Երկօրյա տուր դեպի Սյունիք | Մեղրի

Սա երկօրյա ճամփորդություն է դեպի Հայաստանի հարավ՝ Սյունիք, որտեղ ձեզ սպասում են հնագույն վանքեր, տպավորիչ լեռնային բնապատկերներ և ուշագրավ պատմական վայրեր։ Տուրը հնարավորություն է ծանոթանալու Սյունիքի բնությանը, պատմությանը և մշակույթին ու զգալու հարավային Հայաստանի յուրահատուկ մթնոլորտը։

Երկօրյա տուրի ընթացքում կշրջենք Մեղրու Փոքր թաղում, կբացահայտենք Սուրբ Հովհաննես և Սուրբ Աստվածածին եկեղեցիները, Մեղրու բերդը, կվայելենք Արաքսի հովտի տեսարանները, կայցելենք Վահանավանք և Տաթևի վանք, ինչպես նաև կզբոսնենք Կապանում։

Մեկ մեծահասակի համար արժեքը 28 000 AMD է՝ անկախ գիդի լեզվից։

Մեկնումները նոյեմբերին նախատեսված են յուրաքանչյուր շաբաթ և կիրակի։ Տուրը մեկնարկում է շաբաթ օրը՝ ժամը 07:00-ին, իսկ վերադարձը նախատեսված է կիրակի՝ մոտ 21:00-ին։

Խումբը հավաքվում է Երևանում՝ Սայաթ-Նովայի պողոտա 1ա հասցեում, որտեղ էլ ավարտվում է տուրը։ Խնդրում ենք ներկայանալ մեկնարկից 15 րոպե առաջ․ տեղերը նախապես չեն ամրագրվում, ուստի վաղ գալով կարող եք ընտրել ձեր տեղը։

Արժեքի մեջ ներառված են գիդի ծառայությունը, տրանսպորտը, գիշերակացը հյուրանոցում և նախաճաշը։ Մնացած սնունդը և մուտքավճարները ներառված չեն։

Տուրն անցկացվում է հայերեն։ Եթե մասնակիցների մեջ կան օտարերկրացիներ, տուրը կարող է անցկացվել երկու լեզվով։

Տարիքային սահմանափակումներ չկան։ Գիշերակացով տուրերում 0-3 տարեկան երեխաները մասնակցում են անվճար, եթե առանձին տեղ չեն զբաղեցնում: 3-5 տարեկանները ստանում են 5000 AMD զեղչ յուրաքանչյուր գիշերվա համար, իսկ 5 տարեկանից վճարվում է լրիվ արժեքը։

Այո, 5 և ավելի հոգանոց խմբերը գիշերակացով տուրերում ստանում են 1000 AMD զեղչ յուրաքանչյուր մասնակցի համար։

Անվճար չեղարկում՝ մեկնումից առնվազն 24 ժամ առաջ։ Ավելի ուշ չեղարկելու դեպքում գումարը չի վերադարձվում։

Անբարենպաստ եղանակային պայմանների դեպքում տուրը կարող է հետաձգվել, կամ գումարը կարող է վերադարձվել։

Ամրագրման համար անհրաժեշտ են ձեր հեռախոսահամարը և բոլոր մասնակիցների անուն-ազգանունները։ Ամրագրումը հաստատելու համար վճարումը կատարվում է նախօրոք՝ քարտով կամ կանխիկ գրասենյակում, կամ բանկային փոխանցումով։