7 ՊԱՐՏԱԴԻՐ ԱՅՑԵԼԵԼՈՒ ՎԱՅՐԵՐ ԴԻԼԻՋԱՆՈՒՄ

Դիլիջանը, որը հաճախ անվանում են «Հայկական Շվեյցարիա», Տավուշի մարզի անտառաշատ գոհարն է՝ հարուստ պատմությամբ, մշակույթով ու գեղեցիկ բնությամբ։ Անկախ նրանից՝ դուք սիրում եք արշավներ, պատմություն թե պարզապես փնտրում եք նոր վայր հանգստի համար, Դիլիջանը հարուստ է տեսարժան վայրերով։

Ահա յոթ պարտադիր այցելության վայրեր, որոնք բացահայտում են այս բացառիկ քաղաքի հմայքը։

Հաղարծինի վանական համալիր

10-13-րդ դարերում կառուցված Հաղարծինի վանքը միջնադարյան հայկական ճարտարապետության գլուխգործոցներից է։ Վանքը հատկապես ծաղկում է ապրել Խաչատուր Տարոնացու առաջնորդության ժամանակ։ Իսկ 13-րդ դարում հիշատակվել է որպես ուսումնագիտական կենտրոն։

Գոշավանք 

Գոշավանքը գտնվում է Գոշ գյուղում։ Այն հայտնի է իր ճարտարապետական գեղեցկությամբ և որպես կրթության ու մշակույթի կենտրոն ունեցած դերակատարությամբ։ Մխիթար Գոշի անունը կրող այս 12-13-րդ դարերի համալիրը արտացոլում է Հայաստանի մտավորական և կրոնական ժառանգությունը։

Պարզ լիճ

«Պարզ» նշանակում է «մաքուր»։ Այս լեռնային լիճը, որը շրջապատված է խիտ անտառներով, հիանալի վայր է պիկնիկի, նավակով զբոսնելու և արշավների համար։ Լիճը սիրելի վայր է բնության սիրահարների, ընտանիքների ինչպես նաև զբեսաշրջիկների համար։

Դիլիջանի ազգային պարկ

Մոտ 24,000 հեկտար տարածք զբաղեցնող Դիլիջանի ազգային պարկը շրջանի ամենականաչապատ վայրն է։ Պարկում առկա են տարբեր ծառատեսակներ, հանքային աղբյուրներ և կենդանատեսակներ ։ Այստեղ կարելի է  զբոսնել, կազմակերպել քայլարշավեր կամ պարզապես ընկղմվել բնության գրկում:
 

Մաթոսավանք 

13-րդ դարում կառուցված Մաթոսավանքը գտնվում է Տավուշի մարզի Դիլիջան ազգային պարկի տարածքում։ Վանքը բաղկացած է Սբ․ Աստվածածին եկեղեցուց, գավթից եւ գրատնից: Ժամանակի ընթացքում վանքը միաձուլվել է բնությանը և դարձել դժվար տեսանելի:

Շարամբեյանի փողոց

Դիլիջանի մշակութային սիրտը՝ Շարամբեյանի փողոցը արտացոլում է 19-րդ դարի փայտաշեն տները, արհեստանոցները և պատկերասրահները։ Փողոցը կրում է նկարիչ Հովհաննես Շարամբեյանի անունը: Այստեղ կծանոթանաք տեղական արհեստների, մշակույթի և առօրյա կյանքի հետ։

Դիլիջանի Թանգարան-Պատկերասրահ

Այս թանգարանը ներկայացնում է շրջանի պատմությունն ու արվեստը՝ ցուցադրելով հնագիտական գտածոներ և հայկական ու միջազգային արվեստի գործեր։ Թանգարանը առաջարկում է էքսկուրսիաներ հայերեն, անգլերեն և ռուսերեն լեզուներով՝ դարձնելով այն հետաքրքիր կանգառ մշակույթի սիրահարների համար։
 

 Ծանոթացեք Դիլիջանի տուրերին այստեղ: