Ախթալայի վանք

Ախթալայի Սուրբ Աստվածածին վանքը վեր է խոյանում Լոռու մարզի բարձրադիր հրվանդանի վրա և իր ժամանակի նշանավոր հոգևոր-մշակութային կենտրոններից մեկն էր։ Տարածքն ի սկզբանե կոչվել է Ագարակ, ապա՝ Պղնձահանք։ Միջնադարում այն հայտնի էր որպես Վրաստանի ենթակայության տակ գտնվող քաղկեդոնական հայության կրոնական ու կրթական կենտրոն, սակայն վանքի պատմական հիմքերում ամրագրված է Հայ Առաքելական հավատքը։ Համալիրը շրջապատված է բրգավոր պարիսպներով, որոնք կառուցվել են դեռևս 10-րդ դարում՝ Կյուրիկյան Բագրատունիների օրոք, իսկ թաղածածկ սրահով հյուսիսային մուտքին արևելքից կից է եռահարկ բրգաձև աշտարակը։ Գլխավոր՝ Սուրբ Աստվածածին եկեղեցին գտնվում է ամրոցի հենց կենտրոնում․ գմբեթը ժամանակի ընթացքում ոչնչացվել է, բայց պահպանվել են նրա հիմքերը՝ մույթերն ու որմնամույթերը, իսկ արտաքին ճակատները զարդարված են խորշերով, խաչաքանդակներով և հարուստ դեկորատիվ հարթաքանդակներով։ Ճամփորդներն այստեղ գալիս են՝ տեսնելու հրվանդանի վրա կանգնած այս ամրացված վանքը։ Ինքներդ տեսեք Ախթալայի վանքը ONE WAY Tour-ի հետ տուրի ընթացքում։