Զորաց եկեղեցին գտնվում է Վայոց ձորի մարզում՝ Եղեգիս գյուղում։ Այն կառուցվել է 1303 թվականին Օրբելյան իշխանների կողմից։ Շինությունն ունի յուրահատուկ ճարտարապետական հորինվածք, որը բնորոշ չէ հայկական ավանդական եկեղեցիներին: Կառույցը առանձնահատուկ է նրանով, որ խորանը սովորականից բարձր է կառուցված՝ մոտավորապես ձիու վրա նստած մարդու բարձրության վրա։ Պատճառն այն է, որ այն ծառայել է պատերազմ մեկնող զորքի համար, որպեսզի մարտիկները մեկնելուց առաջ եկեղեցուց օրհնություն ստանային։
Լավ զարգացած ճանապարհատրանսպորտային պայմանները հնարավորություն են տալիս հասնել Զորաց եկեղեցի անձնական մեքենայով կամ օգտվելով տարբեր տուրիստական ընկերությունների ծառայություններից, որոնք առաջարկում են կանոնավոր տուրեր դեպի Հայաստանի տարբեր տեսարժան վայրեր։ Զորաց եկեղեցու աշխարհագրական դիրքի շնորհիվ ճանապարհը երկար չի թվա:
Հաճելի կլիմայական պայմանների շնորհիվ տուրիստական բարձր սեզոնը Հայաստանում բավականին երկար է տևում: Մարտից մինչև խոր աշուն օրերը տաք են, ձմեռը սովորաբար երկար չի տևում: Տեղումների արտահայտված սեզոնը փոփոխական է: Դեպի Զորաց եկեղեցի տուրերի սեզոնայնությունը կախված է եղանակային պայմաններից:
Եկեղեցին չունի ներքին սրահ: Այն բաղկացած է խորանից և երկու ավանդատներից: Խարանը ավելի բարձր է, քան այլ եկեղեցիներում:
Եկեղեցու դիմաց կարելի է տեսնել մի քանի հնագույն գերեզմանաքարեր: Յուրաքանչյուր գերեզմանաքարի վերևի մասում անցք կա: Գիտնականները դեռ չեն կարողացել պարզել անցքերի նպատակը: Այնուամենայնիվ, մասնագետները պնդում են, որ տարօրինակ տապանաքարերը իրականում շատ ավելի հին են, քան եկեղեցին: Թերևս նույնիսկ նախաքրիստոնեական ժամանակաշրջանում այստեղ ինչ-որ տաճար կամ սրբավայր էր տեղակայված:
ՀԵՐՄՈՆԻ ՎԱՆՔ
17 կմ
ԱՐԱՏԵՍԻ ՎԱՆՔ
20 կմ
ՔԱՂԱՔ ՋԵՐՄՈՒԿ
70 կմ