Մուսա լեռան հերոսամարտի հուշարձանը

location

Մարզ

Արմավիր

location

Հեռավորությունը Երևանից

47.4 Կմ

location

Տեսակ

Հուշարձան/Հուշահամալիր

Մուսա լեռան հերոսամարտի հուշարձանը գտնվում է Արմավիրի մարզի Մուսալեռ գյուղում, բլրի վրա՝ նվիրված Մուսա լեռան հերոսամարտին։ Անառիկ ամրոց հիշեցնող կոթողը խորհրդանիշն է Մուսա լեռան հերոսամարտի մասնակիցների համառ ու անկոտրում կամքի, ազատագրական ոգու, առնականության ու արիության։ Արցախյան ազատամարտում զոհված մուսալեռցիների շիրիմները եւս հանգրվանում են հուշակոթողի կողքին՝ բլրի ստորոտում։ Հուշահամալիրի հեղինակներն են ճարտարապետ Ռաֆայել Իսրայելյանն ու քանդակագործ Արա Հարությունյանը։ Մուսա լեռան հերոսամարտի հուշարձանն ընդգրկված է Մուսալեռի պատմության եւ մշակույթի անշարժ հուշարձանների ցանկում։

Հետաքրքիր

Փաստեր՝ Մուսա լեռան հերոսամարտի հուշարձանը

Vanik
fact

Փաստեր

fun-fact1
Մուսա լեռան հերոսամարտն իրենից ներկայացնում է Մուսա լեռան շուրջը գտնվող հայկական գյուղերի բնակիչների 53-օրյա ինքնապաշտպանական մարտերը թուրքական կանոնավոր եւ անկանոն ուժերի դեմ։ Թուրքական բանակը կոտորում էր հայ խաղաղ բնակչությանը՝ իրագործելով Հայոց Ցեղասպանության ծրագիրը։ Սակայն Մուսա լեռան գյուղերի հայ բնակչությունը զգացել էր մոտալուտ վտանգը եւ բարձրացել Մուսա լեռ ու սկսել ինքնապաշտպանությունը, որը տեւեց 1915 թվականի հուլիսի 21-ից սեպտեմբերի 12-ը։ Ֆրանսիական եւ անգլիական նավերը եկան ինքնապաշտպանվողներին օգնության եւ տեղափոխեցին չորս հազար եւ ավելի հայերի Եգիպտոս, որտեղ հետագայում շատերը մտան Ֆրանսիական հայկական լեգեոնի կազմի մեջ։ Այս իրադարձություններով ոգեշնչված եւ տպավորված՝ ավստրիացի գրող Ֆրանց Վերֆելը 1933 թվականին գրում է «Մուսա լեռան քառասուն օրը» ստեղծագործությունը։


fun-fact2
Երկրորդ համաշխարհային պատերազմից հետո շատ մուսալեռցիներ ներգաղթեցին Հայաստան ու Էջմիածնի շրջանում հիմնեցին Մուսալեռ գյուղը, որտեղ էլ 1976 թվականի սեպտեմբերի 16-ին կանգնեցրին հուշարձան՝ ի պատիվ Մուսա լեռան պաշտպանների։
location

Եղանակ - Արմավիր

Հաճելի կլիմայական պայմանների շնորհիվ տուրիստական բարձր սեզոնը Հայաստանում բավականին երկար է տևում: Մարտից մինչև խոր աշուն օրերը տաք են, ձմեռը սովորաբար երկար չի տևում: Տեղումների արտահայտված սեզոնը փոփոխական է: Դեպի Մուսա լեռան հերոսամարտի հուշահամալիր տուրերի սեզոնայնությունը կախված է եղանակային պայմաններից:

Տեսարժան վայրեր

մոտ Մուսա լեռան հերոսամարտի հուշարձանը

672203527dcf6-cc.png

Մեծամոր հնագույն ամրոց-բնակատեղի

0 Կմ

6722430489d6c-w2.png

Սարդարապատի հուշահամալիր

13 Կմ

66e3fe1e0d42b_shoghakat2 (1).png

Սուրբ Շողակաթ եկեղեցի

27 Կմ

one-ik

Կապ

Կապ