Սուրբ Շողակաթ եկեղեցի

Սբ. Շողակաթ եկեղեցին փոքր ծավալի, բայց ճարտարապետական գեղեցիկ հուշարձան է: Էջմիածնի ճարտարապետական համալիրում ամենանոր կառույցը Սբ. Շողակաթ եկեղեցին է, որը կառուցվել է 1694 թվականին իշխան Աղամալ Շոռոթեցու կողմից Հռիփսիմե վանքի արեւմտյան մասում: Ըստ ավանդության, եկեղեցին հիմնադրվել է այն վայրում, ուր հռիփսիմյան նահատակ կույսերի վրա «Շող է կաթել»: Արեւմուտքից կից է գավիթը` պսակված զանգակատան ութասյան ռոտոնդայով: Ունի մուտքեր արեւելյան եւ արեւմտյան կողմերից:
Նրան շատ մոտ մի փոքրիկ մատուռի ավերակներ կան, որը 5-6-րդ դարի կառույց է եղել: Հատակագծի ձեւերը եւ համաչափությունները բնորոշ են այդ տիպի վաղ միջնադարի կառույցներին, որից կարելի է ենթադրել, որ Սբ. Շողակաթ եկեղեցին կառուցվել է 6-7-րդ դարերի շինության հիմքերի վրա։ Ութանիստ թմբուկով գմբեթը ոչ թե կառույցի, այլ երկու զույգ որմնամույթով դահլիճի կենտրոնում է՝ նույնատիպ հնագույն եկեղեցիների նման։ Արեւմուտքից կից է գավիթ-սրահը։ Ունի երկու մուտք՝ արեւմուտքից եւ հարավից։