Արա Լեռ

Արա լեռը գտնվում է Արագածոտնի և Կոտայքի մարզերում՝ Քասաղ և Հրազդան գետերի միջև, և ունի 2605 մ բարձրություն։ Այստեղ կլիման ցամաքային է, տարեկան տեղումները՝ 300-400 մմ։

Ըստ ավանդության՝ լեռը կոչվել է Արա Գեղեցիկ արքայի անունով և հենց նրա պառկած մարմինն է․ Արան ընկել էր Ասորեստանի թագուհի Շամիրամի դեմ ճակատամարտում։ Հեռվից լեռը նման է պառկած մարդու՝ ձեռքերը կրծքին դրած։

Այո, Արա լեռը բազմածին հրաբուխ է՝ կազմված նեոգենի հրաբխային ապարներից։ Այն ունի անկանոն կոնի ձև՝ հատած գագաթով և օղակաձև խառնարանով։

Լեռան ստորոտին տարածված են գորշահողերով ծածկված կիսաանապատներ, բարձրադիր մասերում՝ տափաստաններ, իսկ հյուսիսային լանջը բավականին անտառապատ է՝ կաղնու նոսր պուրակներով ու թփուտներով։ Լեռան վրա գրանցված է անոթային բույսերի 650 տեսակ, որը Հայաստանի բուսականության 20%-ն է։